Foto: Astana Hub
О́tinimder 2026 jyldyń 6 aqpanyna deıin qabyldanady.
«Biz ıdeıany ǵana emes, naqty nátıjeni de baǵalaımyz. Startaptyń jaı ǵana tabys taýyp, damýy biz úshin mańyzdy. Biz ónimniń ómirsheńdigin jyldam teksere alatyn quraldardy usynamyz. CYBERPACK.AI komandasynyń nátıjesi sonyń aıqyn dáleli. Inkýbasııa kezeńinde olar 10 ese ósip, Ázerbaıjan naryǵyna shyqty. Biz ónimmen belsendi jumys isteıtin komandalardy kútemiz», dep atap ótti Astana Hub bıznes-baǵdarlamalar ofısiniń dırektory Áshimbek Ábilǵazınov.
Oqý baǵdarlamasyna apta saıynǵy vorkshoptar, IT-naryq kóshbasshylarynan dárister, trekerlermen jeke konsýltasııalar kiredi.
Qatysýshylar Lean Startup, HADI jáne SMART ádistemelerin meńgerip, naryqty tereń taldaýdy, NoCode-quraldaryn qoldanýdy jáne iri shyǵynsyz satylym júıesin qurýdy úırenedi.
Baǵdarlama sońynda Demo Day ótedi, onda úzdik jobalar óz sheshimderin shaqyrylǵan ınvestorlarǵa usynady.
Qazaqstan Prezıdenti men Iordanııa Koroli Astana Hub klasterine bardy
Mundaı tásildiń tıimdiligi 2025 jyldyń qorytyndylarymen dáleldendi. 302 qatysýshynyń 77 jobasy fınalǵa ótti. Baǵdarlama aıasynda jalpy 130,9 mln teńgege satylym jasaldy, 300 myń AQSh dollary kóleminde ınvestısııa tartyldy, 46 jańa jumys orny quryldy.
Qatysýshylarǵa qoıylatyn talaptar:
- Startup Academy-diń sertıfıkaty bolýy kerek;
- 18 jastan asqan, JSN jáne ESQ mindetti;
- Jobada IT-quramdas bóliktiń bolýy mańyzdy;
- joba MCI nemese MVP satysynda bolýy tıis.
Aıta keteıik, 2026 jyly «Astana Hub» startaptardy qoldaýǵa, ınvestısııa tartýǵa jáne IT salasyndaǵy talanttardy daıarlaýǵa baǵyttalǵan ózge de mańyzdy baǵdarlamalaryn jalǵastyra beredi.
