Izdeniske jol ashyldy

Uly aǵartýshy Ybyraı Altynsarın: «Halyq mektepteri úshin muǵalim bárin jasaıdy. Barlyǵy muǵalimge, onyń pedagogıkalyq jumysqa daıyndyǵyna, óz isin jaqsy kórýine baılanysty. Muǵalim – mekteptiń júregi» degen bolatyn. Al  pedagogıka salasyndaǵy zamanymyzdyń iri teoretıgi Shalva Amonashvılı: «Bilim salasyna reforma  muǵalimnen bastalýy kerek» deıdi. Álemdegi damyǵan ozyq otyz eldiń qatarynan oryn alýǵa umtylyp otyrǵan elimizde eń aldymen bilim salasy básekege qabiletti bolýy tıis. Básekege tótep bermeı, topty jarý ońaı bolmaıdy. «О́rleý» biliktilikti kóterý ulttyq ortalyǵynyń jumys istegenine úsh jyl boldy. Balabaqsha tárbıeshisinen bas­tap, joǵary oqý orny oqytýshysyna deıingi bilim salasy qyzmetkerleriniń biliktiligin kóterý jumystary osy ortalyq arqyly múmkin bolady. Bıyl respýblıkalyq «О́rleý» biliktilikti kóterý ulttyq or­ta­ly­ǵynyń «Pedagogıka qyzmet­kerleriniń biliktiligin arttyrý: búgingi ahýaly, tájirıbe, bola­shaǵy» atty halyqaralyq ǵylymı-praktıkalyq konferensııasy Qostanaıda ótti. Oǵan Qazaqstannyń barlyq oblystarynan jáne Reseıden, Avstralııadan jáne Qyrǵyzstannan muǵa­limder, pedagog-ǵalymdar qa­tysty. Konferensııa jumysy «О́r­leý» biliktilikti kóterý ult­tyq ortalyǵy Qostanaı fılıa­lynyń osy sharaǵa arnaıy jasa­ǵan kórmesinen bastaldy. Konfe­rensııa qonaqtary kórmeden Qostanaı oblysyndaǵy mektepterde ádisteme jumystarynyń qanshalyqty jaqsarǵandyǵy, ýaqyt talabyna saı bilim sapasyn, muǵalim biliktiligin kóterýde engizilgen jańalyqtar, pedagogtar izdenisi, shyǵarmashylyǵy jóninde mol maǵlumat aldy. Jalpy halyqaralyq iri konferensııanyń Qostanaıda ótýi de kezdeısoq emes. «О́rleý» biliktilikti kóterý ulttyq ortalyǵynyń Qostanaı oblystyq fılıaly respýblıkada barlyq kórsetkishter boıynsha úsh jyldan beri aldyna qara salmaı alda keledi. Konferensııada «О́rleý» biliktilikti kóterý ulttyq orta­lyǵy» aksıonerlik qoǵamynyń basqarma tóraıymy, pedagogıka ǵylymdarynyń doktory, professor Gúlnaz Ahmetova bilik­tilikti kóterý ulttyq orta­lyǵynyń jetistikteri men sheshimin kútken mindetter týraly baıandama jasady. Osy úlken jıynǵa qatysqandar eki kún boıy muǵalim biliktiligin kóterýdegi túıindi máselelerdi talqylady. Búgingi ýaqyt yrǵaǵy bilim salasynda tuıyqtalyp qalmaýdy talap etedi. Shetelderdegi ozyq tájirıbeler kórsetip otyrǵandaı, bilim salasy qyzmetkerleriniń biliktiligin kóterýdegi jańa úlginiń tujyrymdamalyq negizi muǵalimdi ómir boıy oqýǵa, bilimin jetildirip, biliktiligin kóterip otyrýǵa baǵyttaıdy. Qazir qoǵamda adamdarǵa teorııalyq bilimmen qarýlaný az, ol ómirge beıim, daıyndyǵy myqty, ıaǵnı shyǵarmashylyqpen oılaı alatyn, belsendi, ózin ózi damytyp otyratyn bolǵanda ǵana belgili nátıjege qol jetkizedi. Sonda ǵana ustaz shákirtimen júıeli jáne jan-jaqty jumys júrgize alady. Bilikti ustaz oqýshynyń óz betinshe bilim alýǵa, izdenýge, taldaı, tujyrymdaı bilýge bulaq kózin asha alatyndaı qasıetke ıe bolady. – Respýblıkadaǵy biliktilikti kóterý júıesi tarıhynda birinshi ret oqý-ádistemelik keshender jasaldy. Onyń quramyna kýrstardyń jańartylǵan mazmuny jáne baqylaý-baǵalaý materıaldary endi. Iаǵnı, bul óz betinshe alǵan bilimin test arqyly tekserýge, tapsyrmalar alyp otyrýǵa múkindik beredi, – dedi Gúlnaz Ahmetova. – Biliktilikti kóterý júıesiniń ınnovasııalyq jumystaryndaǵy kelesi baǵyttyń biri úshtildilik bolyp otyr. Elbasy tapsyrǵandaı, jas urpaq úsh tildi bilýi tıis. Ony júzege asyrý tıimdiligin arttyrý úshin, EQYU-nyń yqpal etýimen «О́rleý» biliktilikti kóterý ulttyq ortalyǵy til men kez kelgen pándi biriktirip oqytatyn «CLIL» ádistemesin engizip otyr. Bir pándi eki tilde júrgizetin ustazdar daıyndaý tájirıbesi bizde bar. Bolashaqta joǵary oqý oryndarynda pánderdi stýdentterge aǵylshyn tilinde berý úshin «О́rleý» pedagogıkalyq joǵary oqý oryndarynyń oqytýshylaryn sheteldik áriptes bilim ordalaryna oqytýǵa daıyndyq jumystaryn júrgizýde. Jalpy qazirgi ýaqyt ómirdiń qaı salasy bolsyn shetelderdiń tájirıbesimen tanysýdy, ozyǵynan úırenýdi talap etedi. Sondyqtan «О́rleý» biliktilikti kóterý ulttyq orta­lyǵy fılıaldarynyń 311 qyz­metkeri Fransııa, Ońtústik Koreıa, Avstralııa, Sıngapýr, Anglııa men Reseıde bilim berý júıesin damytýdyń ózekti problemalary boıynsha bilimin kóterip keldi. Muǵalimder biliktiligin kóterý júıesin jańǵyrtýdyń tıimdi joldarynyń biri sanalatyn qysqa merzimdi kýrstar «О́rleýdiń» barlyq fılıaldarynda bar. Olarda deńgeılik baǵdarlamalar boıynsha halyqaralyq Kembrıdj ýnıversıteti sertıfıkaty bar 238 trener jumys isteıdi. О́tken jyly «О́rleý» fılıaldarynda deńgeılik baǵdarlama boıynsha 11239 muǵalim sertıfıkat aldy. – Sertıfıkat muǵalimniń bilik­tiligin ǵana emes, aılyq jala­qysynyń da kóterilýine sebep bolady. Memleket birinshi ret biliktiligi joǵarylaǵan ustazdardyń aılyq jalaqysyn kóterýge qarjy salyp otyr. Bul memleket tarapynan bilim berý salasyna jasalǵan taǵy bir teńdessiz qamqorlyq ekeni sózsiz, – dedi Gúlnaz Ahmetova. Konferensııada «О́rleýdiń» barlyq óńirlerdegi fılıaldary kúshin biriktirý, olardaǵy jańa­lyqtardy, jaqsy táji­rıbelerdi taratý máseleleri qaraldy. «О́r­leý» biliktilikti kóterý ulttyq ortalyǵynyń úsh jyldaǵy bas­ty jetistikteriniń biri – muǵalim izdenisine jol ashty. Búginde ustaz óziniń bilimin, biliktiligin kóterý úshin qaıda baryp oqımyn dese de múmkindik tabady. On-laın semınarlarǵa, halyqaralyq konferensııalarǵa, baıqaýlarǵa qatysqysy kelse barlyǵy da «О́r­leý» arqyly júzege asady. Iá, «О́rleý» alǵa umtylǵan ustazdy órge súıreıdi. Názıra JÁRIMBETOVA, «Egemen Qazaqstan». QOSTANAI.