Atalǵan operasııa mindetti áleýmettik medısınalyq saqtandyrý (MÁMS) aıasynda Taraz qalasynan kelgen emdelýshige jasaldy. Bul zamanaýı kardıologııalyq kómektiń azamattardyń turǵylyqty jerine qaramastan qoljetimdi ekenin kórsetedi.
Elimizde 59 adamǵa quny 79 mln teńge turatyn operasııa tegin jasaldy
BIOTRONIK Home Monitoring júıesi pasıenttiń densaýlyq jaǵdaıy men ımplantasııalanǵan kardıostımýlıatordyń jumysyn táýlik boıy qashyqtan avtomatty túrde baqylaýǵa múmkindik beredi. Dárigerge kún saıyn elektrondyq poshta arqyly júrek qyzmetiniń negizgi kórsetkishteri men qurylǵynyń tehnıkalyq jaı-kúıi jóninde esep joldanady. Mamandardyń aıtýynsha, bul pasıenttiń medısınalyq mekemege barýynsyz turaqty baqylaýda bolýyn qamtamasyz etip, júrek-qantamyr júıesindegi aýytqýlardy der kezinde anyqtaýǵa jáne qaýiptiń aldyn alýǵa jaǵdaı jasaıdy.
«Bul operasııa elimizdiń birqatar óńirinde jasalǵanymen, Mańǵystaý oblysynda alǵash ret ótkizildi. Apparattyń qyzmet etý merzimi – 15 jyl, al kólemi burynǵy úlgiden eki ese shaǵyn. Júıeniń basty artyqshylyǵy – emdelýshilerdiń jaǵdaıyn qashyqtan baqylaýǵa múmkindik berýi. Qubylmaly qys mezgilinde bul tásil ózge óńirlerden keletin naýqastar úshin de, medısına mamandary úshin de óte qolaıly», dedi ıntervensııalyq kardıolog Arman Aınazarov.
Sofie MedGroup mindetti áleýmettik medısınalyq saqtandyrý aıasynda mamandandyrylǵan ári joǵary tehnologııalyq medısınalyq kómek kórsetedi. Em alý úshin pasıent ýchaskelik dárigerden joldama alýy qajet.
