Foto: Qaraǵandy oblysy ákimdigi
Dál keste toptar jınaqtalǵannan keıin jarııalanady. Úıirmege Ortalyq saıabaqtaǵy jáne Suryptaý stansııasyndaǵy (qala mańyndaǵy) fılıaldarda qatysýǵa bolady.
Sabaqtardy Ortalyq saıabaqtaǵy balalar temirjolynda tájirıbesi bar zeınetker mashınıster júrgizedi.
Oqytý teorııalyq bólimnen bastalady. Jasóspirimderge balalar temirjolynyń tarıhy, temirjol trassalarynyń túrleri, parovozdar, elektr poıyzdar men dızel lokomotıvterdiń jumys isteý prınsıpteri tanystyrylady. Jaz mezgilinde Ortalyq saıabaqtaǵy balalar temirjoly ashylǵannan keıin, oqýshylar alǵan bilimderin tájirıbe júzinde qoldaný múmkindigine ıe bolady.
«Jas temirjolshylar kondýktor rólinde ózin synaı alady: stansııada jumys isteıdi, poıyzdy sýmen qamtamasyz etedi, maı deńgeıin tekseredi. Sonymen qatar, jetekshilerdiń qadaǵalaýymen oqýshylar naǵyz poıyzdy basqarýdy da úırenedi.
Qabyldaý tártibi, sabaq kestesi jáne basqa da talaptar boıynsha tolyq aqparatty myna telefon nómiri arqyly alýǵa bolady: (8-7212) 78-55-40», delingen Qaraǵandy oblysy ákimdigi taratqan habarlamada.
