Tusaýkeser kezdesýinde amerıkalyq Endı Výdfordy utqan Asaýbaeva odan keıin ázerbaıjandyq Aıdyn Sýleımanly, argentınalyq Faýstıno Ora, ıspanııalyq Danııl Iýffamen upaı bólisti. Besinshi týrda Vasılıı Ivanchýkpen kezdesti. Keńes dáýirinde ózin túbegeıli moıyndatyp, komandalyq esepte álem chempıony atanyp, tórt birdeı Dúnıejúzilik shahmat Olımpıadasynda top jaryp, álem chempıonatynyń fınalısi, Eýropa chempıony, rapıd pen blısten álem chempıony atanǵan 56 jastaǵy Ýkraınanyń maıtalmanymen Bıbisara teń oınady.
Qazir jarys kestesinde jeke-dara kósh bastap turǵan eshkim joq. Úsh oıynshy úzeńgi qaǵystyryp keledi. Olar – Aıdyn Sýleımanly, Faýstıno Ora, Endı Výdford. Árqaısysynyń qorjynynda 4 upaıdan bar. 3,5 upaıy bar Maýrıssı tórtinshi orynda. Al B.Asaýbaeva úsh upaımen besinshi satyǵa taban tiredi.
Qyzǵaldaqtar elindegi jarysta barlyǵy 14 shahmatshy baq synap jatyr. Olardyń toǵyzynyń reıtıngisi Bıbisaradan joǵary. Soǵan qaramastan Asaýbaeva myqtylarmen teń dárejede aıqasady. Festıval 1 aqpanda márege jetedi.
