Sýret: rb1ncm.ru
- 23-25 qańtar aralyǵynda Germanııanyń Insell qalasynda konkıden Álem kýbogi-niń kezeńdik básekesi ótedi. Nemis jerinde Nadejda Morozova, Arına Ilıashenko, Elızaveta Golýbeva, Alena Lıfatova, Krıstına Sılaeva, Evgenıı Koshkın, Nuráli Aqjolov, Roman Bınazarov, Altaı Járdembekuly, Artýr Galıev, Aleksandr Klenko, Vadım Iаkýbovskıı, Andreı Zýev baq synaıdy.
- 7-8 aqpan aralyǵynda ótetin QHL-dyń «Juldyzdar matchynda» Astananyń «Barys» klýbynyń qaqpashysy Adam Shıl óner kórsetedi. Bıylǵy maýsymda ol 23 ret muz aıdynyna shyǵyp, 587 soqqynyń 542-sin keri qaıtardy. Bul – 92.3 paıyzdyq kórsetkish. Shıldiń senimdilik koeffısıenti 2.41-di qurap otyr.
- Ústel tennısinen Dohada uıymdastyrylǵan WTT Youth Contender týrnırinde Nazerke Bolatbek qola medal ıelendi. Alǵashqy úsh qarsylasyn qapy qaldyrǵan 13 jasar Nazerke jartylaı fınalda mysyrlyq Zakı Malakqa jol berdi.
- 24 qańtarda О́skemende kásipqoı boks keshi ótedi. Jarystyń basty jekpe-jekteriniń birinde tanymal bylǵary qolǵap sheberi Saparbaı Aıdarov (8-0, 2) aıqasady. Qandasymyz О́zbekstannyń ókili Asylbek Mahamadjonovpen (5-3-1, 4 KO) kezdesedi.
- Aldaǵy kúnderi «Astana» veloklýby Pıreneı túbeginde jalaýy jelbireıtin birneshe dúbirli dodaǵa qatysady. Alǵashqy jarys – «Kamp de Morvedre klassıkasy». Kelesi sóre – «Kastelon-de-la-Plana» Gran-prıi. Sońǵy kezekte «Valensııa klassıkasynyń» shymyldyǵy túriledi. Bul básekelerde «Astana» sapynda Kleman Shampýssan (Fransııa), Nıkola Konchı, Lorenso Fortýnato, Dıego Ýlıssı, Krıstıan Skaronı, Davıde Ballerını (Italııa), Tomas Sılva (Ýrýgvaı), Haoıýı Sý (Qytaı) óner kórsetedi.
- BAÁ-de oqý-jattyǵý jıynyn ótkizip jatqan «Astana» men «Elimaı» komandalary-nyń fýtbolshylary kelesi aıda KSRO chempıonatyn 15 márte, Reseı premer-lıgasyn 10 ret utqan Máskeýdiń áıgili «Spartak» klýbymen joldastyq kezdesý ótkizýdi josparlap otyr. Elordalyqtar 10 aqpanda kezdesse, semeılikter 23 aqpanda saıysqa túsedi.
- 25 mamyr men 5 maýsym aralyǵynda Norvegııa astanasy – Osloda shahmattan «Norway Chess Women 2026» dodasy ótedi. Osy jarysta elimizdiń namysyn Bıbisara Asaýbaeva qorǵaıdy. Blısten úsh dúrkin álem chempıony, rapıdten álem chempıonatynyń kúmis júldegeri, FIDE reıtınginde 11-satyǵa jaıǵasqan Bıbisara Skandınavııa túbeginde de eleýli tabysqa qol jetkizedi dep úmittenemiz.
- 8 naýryzda Las-Vegasta aralas jekpe-jekten ótetin UFC 326 týrnıriniń tolyq kardy belgili boldy. Jarysta jartylaı aýyr salmaqtaǵy qazaq faıteri Dııar Nurǵojaı brazılııalyq Rafael Tobıaspen kúsh synasady. Keshtiń basty aıqasy atalǵan promoýshenniń burynǵy chempıondary Maks Holloýeı (AQSh) men Charlz Olıveıra (Brazılııa) arasynda ótedi.
