Taǵy da astan ýlaný ma?

Bir anyǵy jıyrmadan astam jasóspirim aýdandyq kópbeıindi aýrýhanaǵa túskeni rastaldy. Qyzylordalyq jasóspirimder Merkidegi «Turan» demalys aımaǵynan aýrýhanaǵa jet­kizilgen. Olar munda oqý-jat­tyǵý jıynyn ótkizý úshin kelgen eken.

«2026 jylǵy 21 qańtar kúni saǵat 22:40 shamasynda Merki aýdandyq kópbeıindi ortalyq aýrýhanasyna «Turan» demalys ornynan Qyzylorda oblysynan aýdanǵa kúres túrinen oqý-jattyǵý jıynyna kelgen 12-17 jas aralyǵyndaǵy 22 kámeletke tolmaǵan jasóspirim jetkizildi. Olardyń 21-i boıynsha aldyn ala dıagnoz – etıologııasy anyqtalmaǵan gastroenterıt. Balalardyń bireýi aıaq jaraqaty boıynsha dáriger kómegine júgingen.

Aýrýdyń sebebin anyqtaý maqsatynda naýqastar men taǵam ónimderinen zert­­hanalyq saraptamalar alynǵan, qorytyndysy áli jarııa etilgen joq. Atalǵan jaǵdaı boıynsha oblystyq sanıtarlyq-epıdemıologııalyq baqylaý departamenti tıisti tekserý jumystaryn júrgizip jatyr. Sonymen qatar bul derek 2026 jylǵy 21 qańtarda Merki aýdandyq polısııa bóliminde tirkelip, quzyrly organnyń tekserý qorytyndysy negizinde tıisti úderistik sheshim qa­byl­danatyn bolady.

Oblys ákimi Erbol Qara­shókeevtiń tapsyrmasyna sáıkes oqıǵa ornyna oblys ákiminiń orynbasarlary Aı­jan Esmaǵambetova men Serik Sálemov baryp, jedel shtab otyrysyn ótkizdi. Balalar medısınalyq baqylaýǵa alyn­ǵan, tıisti organdar tarapynan barlyq qajetti sharalar qabyldanyp jatyr.

Demalys ornynda barlyǵy 103 jas sportshy men 13 jat­tyqtyrýshy turady. Aýrý­hanaǵa júgingen naýqas­tardyń jaǵdaıy jeńil dáre­jede, densaýlyqtary qalypty, dárigerlerdiń turaqty baqy­laýynda. Demalys or­nyndaǵy basqa balalarǵa me­dısınalyq tekserý júrgi­zildi,  olardan aýrý belgile­ri anyqtalǵan joq, profılak­tıkalyq sharalar jalǵasyp jatyr», delingen resmı aqparatta.

О́zge de jaýapty tulǵalar men quzyrly organdar atalǵan jaǵdaı boıynsha tıisti jumys júrgizilip jatqanyn tilge tıek etip otyr. Aldaǵy ýaqytta qaıdan aǵattyq ketkeni tolyqqandy anyqtala jatar. Dese de keıingi jyldary Jambyl oblysynda mundaı oqıǵanyń jıi tirkele bastaǵany kimdi de bolsyn tolǵandyrmaı qoımaıdy.

Jambyl oblysy