Sýret: adyrna.kz
Memleket basshysy sıfrlandyrýdy jaı tehnıkalyq úderis emes, strategııalyq mindet retinde atap ótip, jasandy ıntellekt jylyn jarııalaý arqyly búkil memlekettik apparatqa naqty ári ólshemdi maqsat qoıyp otyr. Bul – elimizdiń jahandyq tehnologııalyq básekelestikke beıimdelýiniń belgisi.
Júıege jasandy ıntellekt engizýdiń basty tıimdiligi – sheshim qabyldaý ýaqytyn qysqartý, ónimdilikti arttyrý ári memlekettik qyzmet sapasyn jaqsartý. Prezıdent osy baǵyttaǵy jumystar statıstıka úshin emes, naqty nátıje úshin iske asýǵa tıis ekenin durys aıtty.
Sonymen qatar «Ulttyq sıfrlyq mura» bastamasy – óte der kezinde kóterilgen taqyryp. Tarıhı, mádenı, ǵylymı qordy sıfrlyq formatqa kóshirý tek muraǵat jumysy emes, ulttyń aqparattyq egemendigi men ıdeologııalyq táýelsizdigin saqtaıtyn strategııalyq qadam. Álemde derekke ıelik etken el ǵana básekege qabiletti memleketke aınalyp jatyr. Sol sebepti sıfrlandyrýdy ekonomıkalyq qural retinde ǵana emes, ulttyq qaýipsizdik pen mádenı tutastyqtyń tiregi retinde qarastyrý – durys sheshim.
Jalpy, Prezıdenttiń bul jolǵy ustanymy elimizdiń sıfrlyq transformasııada jańa kezeńge ótkenin kórsetedi. Eger osy mindetter júıeli oryndalsa, elimiz aımaqta JI men sıfrlyq tehnologııalardy damytatyn jetekshi ortalyqqa aınalý múmkindigine ıe bolady.
Meıirjan ÁÝELHANULY,
IT mamany
