Bıznes jáne jaıly iskerlik orta

Jıynda ótken jylǵy memle­kettik bıýdjet kirisiniń oryndalý qorytyndylary jarııalandy. Qarjy mınıstri Mádı Takıevtiń aıtýynsha, kirister jospary 100,1 paıyzǵa oryndalyp, bıýdjetke 24,6 trln teńge tústi. Al jańa Salyq ko­deksi kúshine engen bıylǵy 1 qań­tardan beri 454 myń salyq tóleýshi ońaılatylǵan deklarasııa boıynsha qyzmetin rastaǵan. Buǵan qosa ózin-ózi jumyspen qamtyǵandar retinde 138 myń azamat tirkelip, olardyń 122 myńy alǵash ret esepke alynǵan. 7 myńnan astam kásipker QQS tóleýshiler qataryna qosyldy.

Úkimet basshysy salyq tóleýshi­lerge ashyq, túsinikti ári qolaıly jaǵdaı qalyptastyrýdyń mańyzyn atap ótti. Onyń aıtýynsha, ishki kirister qyzmetiniń jumysy bız­nes­ke baǵyttalǵan seriktestik úlgide bolýǵa tıis. Bıyl shaǵyn jáne orta bıznes úshin ótpeli kezeń bolatyny aıtylyp, tólemderdegi tehnıkalyq qatelikter úshin aıyppuldar qol­da­nylmaıtyny jetkizildi.

Qarjy vıse-mınıstri Er­jan Birjanov Memlekettik kiris­ter komıtetinde júrgizilip jat­qan sıfrlyq jańǵyrtý jumys­tarymen tanystyrdy. Buǵan deıingi 12 eskirgen júıeniń ornyna 5 jańa platforma engizilip, salyqtyq jáne kedendik ákimshilendirý mıkroservıstik modelge kóshiril­di. Nátıjesinde, derekterdi óńdeý jyldamdyǵy artty, onlaın tólem­der qoljetimdi boldy ári júıege bir mezette kiretin paıdalanýshylar sany eki jarym ese ósti.

Sıfrlandyrýdyń naqty nátı­jesi retinde QQS deklarasııalaryn avtomatty túrde aldyn ala toltyrý múmkindigi iske qosyldy. Bul bız­neske eseptilikti jeńildetýge kómek­tesedi. О́zin-ózi jumyspen qamtyǵandar úshin mártebe «e-Saluq Business» qosymshasy arqyly avtomatty beriledi. Qazir jańa júıelerde 800 myń eseptilik nysany rásimdelip, sıfrlyq servıster 1,7 mln bıznes sýbektisin qamtyp otyr.

Sondaı-aq jańa sıfrlyq quraldar tek salyq pen kedenge emes, azyq-túlik baǵasyn monı­torıngileý, statıstıka qalyp­tastyrý, sýbsıdııa berý, zańsyz satyp alýlardyń aldyn alý men qu­qyq qorǵaý organdaryna aqparat­tyq qoldaý kórsetý sııaqty salalarda da paıdalanylyp otyr. «Big Data» biryńǵaı analıtıkalyq plat­for­masy 74 derekkózben ıntegrasııalanyp, byltyr qosymsha 700 mlrd teńgeden astam tólemder men salyq túsimderiniń oryndalýyna yqpal etti.

Tekserý men baqylaý tetikte­riniń kúsheıýi zańsyz shemalardyń aldyn alýǵa múmkindik berdi. Qa­nat­qaqty jobalar nátıjesinde kassa­­lyq tártip buzýshylyqtary anyqtalyp, QQS boıynsha táýe­keldi kompanııalardy bıomet­rııa­lyq sáıkestendirý modýli arqyly súzgiden ótkizý iske asty. Jalpy, 30 mlrd teńgeniń zańsyz elektrondyq shot-faktýra shyǵarý múmkindigi toqtatyldy.

Kedendik ákimshilendirýde de óz­gerister júzege asyp jatyr. Keden aqparattyq júıesi tranzıttik deklarasııa rásimdeý ýaqytyn 30 mınýt­tan 10 mınýtqa qysqartyp, bıýd­jetke ótken jyly qosymsha 115 mlrd teńge kedendik tólemder túsir­di. Bul birtindep tolyq avto­mat­tandyrýǵa baǵyttalǵan kúrdeli jumystyń nátıjesi ekeni aıtyldy.

Keńes qorytyndysy boıynsha Premer-mınıstr birqatar naqty tapsyrma júktedi. Qar­jy mı­nıstrligine – qoǵam men sarap­shylardyń usynystaryn sapa­ly qaraý, aýmaqtyq kirister depar­tamentterine – jergilikti deńgeıde reformalardy durys iske asyrý men túsindirý jumysyn júr­gizý, Jasandy ıntellekt mınıstr­ligine – aqparattyq júıelerdi joǵary jyldamdyqtaǵy ınfraqu­rylymmen qamtamasyz etý mindeti qoıyldy. Sondaı-aq Ulttyq taýarlar katalogin elektrondyq saýda alańdary men marketpleısterde qoldaný aıasyn keńeıtý jóninde tapsyrma berildi.

Osylaısha, salyqtyq jáne keden­dik ákimshilendirýdi sıfrlandyrý elimizdiń ekonomıkasynyń ashyq­tyǵyn arttyrýǵa, bıznes júgi­ne túsetin salmaqty azaıtýǵa ári mem­leket pen kásipkerler arasyn­daǵy seriktestik mádenıetin qalyp­tastyrýǵa baǵyttalyp otyr.