BUU ókili Farhan Hak dúısenbi kúni tilshilerge BUU Qaýipsizdik Keńesi ruqsat bergen Beıbitshilik keńesi tek qana Gaza máselesi boıynsha jumys isteıtinin aıtty.
Is-sharada О́zbekstan tarapy: «Beıbitshilik keńesin qurý О́zbekstannyń syrtqy saıasatynyń basymdyqtaryna sáıkes keledi, olar beıbitshilik bastamalary men kópjaqty yntymaqtastyqty qoldaýǵa baǵyttalǵan», dep málimdedi. Al Qazaqstanǵa keler bolsaq, is-sharada negizinen Prezıdent Qasym-Jomart Toqaev pen Donald Tramptyń sýretteri ǵana kórsetildi.
Jalpy, AQSh-tyń eshbir prezıdenti Ortalyq Azııaǵa sapar shekken emes. Al ótken jyldyń qarashasynda Q.Toqaev pen Sh.Mırzııoev ekinshi AQSh-Ortalyq Azııa sammıtine qatysýǵa Vashıngtonǵa bardy. C5+1 bıznes konferensııasynda avıasııadan bastap mańyzdy mıneraldarǵa deıingi kóptegen sala boıynsha birqatar kelisimge qol qoıyldy.
Alǵashqy bolyp shaqyrý aldy
AQSh prezıdenti Donald Tramptyń jańa keńeske qosylýǵa shaqyrý alǵan alǵashqylardyń biri – Qazaqstan Prezıdenti Qasym-Jomart Toqaev. AQSh qazir Ortalyq Azııamen baılanysyn tereńdetýge tyrysyp jatyr.
Q.Toqaevtyń baspasóz hatshysy Rýslan Jeldibaı: «Memleket basshysy Amerıka Qurama Shtattarynyń prezıdentine shyn júrekten alǵys bildirip, osy jańa qaýymdastyqqa qosylýǵa kelisimin rastaıtyn hat joldady», dep málimdedi. Sondaı-aq «Prezıdent Q.Toqaev Qazaqstannyń Taıaý Shyǵysta turaqty beıbitshilikke qol jetkizýge, memleketaralyq senimdi jáne jahandyq turaqtylyqty nyǵaıtýǵa úles qosýǵa degen mindettemesin rastady», dep qosty ol.
Aıta ketsek, D.Tramp 60 eldi Beıbitshilik keńesine qosylýǵa shaqyrdy.
Beıbitshilik keńesine mindetti tólemsiz qosyldy
Qazaqstan uıymnyń jarǵysynda kórsetilgen erikti jarnasyz Beıbitshilik keńesine resmı túrde qosyldy.
Jarǵyǵa sáıkes, Beıbitshilik keńesine múshe bolýǵa tek memlekettiń táýelsiz sheshimi qajet. 1 mlrd dollar kólemindegi qarjylyq jarna mindetti emes, erikti jarna. Múshelik úsh jyldyq merzimge beriledi. Osyǵan oraı, Qazaqstannyń qarjylyq tólemsiz Keńeske qosylýy jarǵynyń erejelerine tolyq sáıkes keledi.
Habarlaǵanymyzdaı, 22 qańtarda Prezıdent Qasym-Jomart Toqaev AQSh prezıdenti Donald Tramp bastaǵan Beıbitshilik keńesiniń jarǵysyna qol qoıdy.
Dıplomatııaǵa saı áreket etedi
Qazaqstannyń Beıbitshilik keńesine qosylý týraly sheshimi iri halyqaralyq bastamada dıplomatııa men yqpal etý múmkindigin usynatynyn, sonymen qatar Astananyń Vashıngton, Máskeý, Beıjiń men aımaqtyq derjavalarmen teńgerimdi qarym-qatynasty saqtaýdyń strategııasyna sáıkes keletinin kórsetedi.
Qazaqstan 1992 jyldan beri Izraılmen dıplomatııalyq qarym-qatynas ornatyp keledi, sondaı-aq ózin Taıaý Shyǵys isterinde beıtarap qatysýshy retinde
kórsetti.
Qazaqstan – Tramp shaqyrtýyn qabyldaǵan alǵashqy eldiń biri. Beıbitshilik keńesiniń berik ınstıtýtqa aınalýy shaqyrylǵan memleketterdiń mindettemesine, qarjylandyrý erejeleriniń qalaı júzege asyrylatynyna, sondaı-aq Keńestiń sheshimderine tikeleı áser etetin aımaqtyq sýbektilerdiń qoldaýyna ıe bola alatynyna baılanysty bolady.
Orta Azııanyń eń yqpaldy eli Qazaqstannyń bul Keńeske qatysýy aımaqtaǵy elderden tys joǵary deńgeıli dıplomatııalyq bastamalarǵa qatysa beretinin kórsetedi. Jalpy, elderdiń yntasy atalǵan bastama tujyrymdamadan tájirıbege kóshken kezde aıqynyraq bolady.
Turaqtylyqqa bastaıtyn qadam
Eýrazııa kóshbasshylary Tramptyń AQSh basqaratyn Gaza boıynsha beıbitshilik keńesine qosylýǵa shaqyrýyn quptaıdy. Qazaqstan, О́zbekstan men Belarýs prezıdentteri AQSh prezıdenti Donald Tramptan Gazadan bastap qaqtyǵystardy sheshýge baǵyttalǵan jańa halyqaralyq organ – Beıbitshilik keńesine qosylýǵa resmı shaqyrý alǵan alǵashqy elder.
Qazaqstan Prezıdentiniń baspasóz hatshysy Rýslan Jeldibaı Qasym-Jomart Toqaev Beıbitshilik keńesine qosylýǵa resmı shaqyrý alǵan alǵashqy álemdik kóshbasshylardyń biri bolǵanyn málimdedi.
О́zbekstan prezıdenti Shavkat Mırzııoev te jańa halyqaralyq uıymǵa shaqyryldy. Sh.Mırzııoev keńesti «Taıaý Shyǵystaǵy uzaq ýaqytqa sozylǵan qaqtyǵystardy sheshýdegi jáne keń aımaqta beıbitshilik pen turaqtylyqty qamtamasyz etýdegi mańyzdy qadam» dep atap, negizin qalaýshy múshe retinde qosylýǵa kelisti. Sondaı-aq Belarýs Syrtqy ister mınıstrliginiń ókili Rýslan Varankov ta málimdemesinde prezıdent Aleksandr Lýkashenkonyń keńeske qosylýǵa shaqyrylǵanyn aıtty. «Usynys Belarýs Respýblıkasynyń Prezıdentine jetkizildi, Memleket basshysy ony oń qabyldandy», dedi ol.
