Foto: istockphoto.com
Túrkistan oblysynyń ońtústiginde jáne taýly aýdandarynda qar jaýady. Kúndiz oblystyń batysynda, ońtústiginde jáne taýly aımaqtarynda jaýyn-shashyn (jańbyr, qar) kútiledi. Túnde ońtústikte jáne taýly aýdandarda, kúndiz batysta, ońtústikte jáne taýly aımaqtarda jaıaý burqasyn, kóktaıǵaq bolady. Oblystyń soltústiginde, ońtústiginde, batysynda jáne taýly aýdandarynda tuman túsedi. Jel ońtústik-shyǵystan soǵady, oblystyń batysynda, ońtústiginde jáne taýly aýdandarynda jyldamdyǵy 15-20 m/s.
Qaraǵandy oblysynyń batysy men shyǵysynda qar jaýyp, jaıaý burqasyn bolady.
Ulytaý oblysynyń batysy men soltústiginde túnde, al kúndiz batysynda, soltústiginde jáne ortalyǵynda qar jaýyp, jaıaý burqasyn kútiledi.
Qyzylorda oblysynyń soltústiginde túnde jáne tańerteń kóktaıǵaq bolady. Oblystyń soltústiginde jáne ortalyǵynda tuman túsedi.
Mańǵystaý oblysynyń batysynda, soltústiginde jáne ortalyǵynda tuman bolady. Oblystyń soltústigi men ortalyǵynda kóktaıǵaq kútiledi.
Atyraý oblysynyń shyǵysynda túnde qar jaýyp, jaıaý burqasyn bolady. Oblystyń batysynda, soltústiginde jáne ońtústiginde tuman túsedi.
Aqtóbe oblysynyń ońtústiginde, shyǵysynda jáne ortalyǵynda qar jaýyp, jaıaý burqasyn bolady. Jel shyǵystan jáne soltústik-shyǵystan soǵady, oblys ortalyǵynda ekpini 15-18 m/s-qa jetedi.
Jambyl oblysynda tuman kútiledi. Oblystyń taýly aýdandarynda jel ońtústik-shyǵystan soǵyp, ekpini 15-20 m/s bolady.
Pavlodar oblysynyń batysynda, soltústiginde jáne shyǵysynda tuman kútiledi.
Abaı oblysynda túnde qar jaýyp, boran soǵady, al kúndiz oblystyń soltústigi men ortalyǵynda qar jaýyp, boran soǵady. Oblystyń soltústigi men ońtústiginde tuman bolady. Jel ońtústik-batystan soǵyp, ońtústik-shyǵysqa aýysady, túnde oblystyń ońtústigi men ortalyǵynda ekpini 15-20 m/s.
Shyǵys Qazaqstan oblysynda qar jaýyp, boran bolady. Oblystyń soltústigi men ońtústiginde tuman kútiledi. Jel ońtústik-batystan soǵyp, ońtústik-shyǵysqa aýysady, oblystyń soltústiginde ekpini 15-20 m/s.
Qostanaı oblysynyń ońtústiginde qar jaýyp, jaıaý burqasyn bolady. Oblystyń batysynda, soltústiginde jáne shyǵysynda tuman túsedi.
Batys Qazaqstan oblysynyń batysynda jáne ońtústiginde azdap qar jaýyp, jaıaý burqasyn bolady. Oblystyń batysynda, soltústiginde jáne shyǵysynda tuman kútiledi. Jel shyǵys jáne soltústik-shyǵystan soǵyp, oblystyń batysy men ońtústiginde ekpini 15-20 m/s bolady.
Aqmola oblysynyń batysynda, ońtústiginde jáne shyǵysynda qar jaýyp, jaıaý burqasyn kútiledi.
Jetisý oblysynyń shyǵysynda jáne taýly aýdandarynda mezgil-mezgil tuman túsip, joldarda kóktaıǵaq bolady. Jel ońtústik-shyǵystan soǵyp, oblystyń soltústigi men shyǵysynda ekpini 15-20 m/s-qa jetedi.
