Qala prokýrory Ermek Shýaqpaevtyń sózinshe, Qostanaı qalasy esirtkige táýeldilik jáne nashaqorlar sany jaǵynan respýblıka boıynsha kósh bastap tur.
«Sózdiń ashyǵyna kelsek, qylmyspen kúres jumystarynda túıini tarqamaǵan máseleler jetkilikti. О́tken jyly kisi óltirý, aýyr jaraqat alý jáne turmystyq zorlyq-zombylyq qylmystary taǵy ósti. Qoǵamdyq oryndarda jasalǵan qylmystyq quqyq buzýshylyqtardyń sany kóp. Kámeletke tolmaǵandarǵa qatysty qylmys deńgeıi barlyq rekordtardy jańartyp otyr. 2000 jylmen salystyrǵanda sońǵy jyldar kórsetkishi 13-ten 44-ke deıin ósti. Qalada óreskel buzaqylyq ádetke aınaldy. Kóptegen oıyn-saýyq oryndaryna barýdyń ózi qorqynyshty», dedi Ermek Shýaqpaev.
Jıynda Qostanaıdaǵy túngi klýbtar men kafe-barlardyń adamdy uryp-soǵýdyń, tóbeles pen janjaldyń ortasyna aınalyp otyrǵany aıtyldy. Bul saryndaǵy qońyraýlardyń polısııa qyzmetine kún saıyn túsip otyrýy tipti qalypty jaǵdaıǵa aınalǵan. Máselen, 2025 jyly «Ne habar» klýbynda 85, «Panaehalı» barynda 68, «Volna» barynda 46 tártip buzýshylyq anyqtalǵan. Byltyr jergilikti polısııa qyzmetine atalǵan úsh nysannan tártipsizdik týraly 199 habarlama kelip tústi. Mundaǵy keleńsiz oqıǵanyń bári ishimdiktiń saldarynan bolǵan.
Alaıaqtardyń aılasy ózgerdi: Endi aqshany «kýrer» bolyp alyp ketedi
«Tirkelgen urlyq kórsetkishi de basqa óńirlermen salystyrǵanda aıtarlyqtaı joǵary. Oblystaǵy árbir ekinshi jol-kólik oqıǵasy qalada tirkeldi. Saldarynan segiz adam qaza taýyp, 800-den astam adam jaraqat aldy. Alaıaqtardyń dáýreni júrip tur. 2025 jyly aldanǵandar sany 1200 adamnan asty. Osy tektes quqyq buzýshylyqtardy azaıtý jáne boldyrmaý úshin biz «Aıqyn nátıje» jobasyn usynyp otyrmyz», dedi Qostanaı prokýrory.
Qostanaıda sý qubyry jaryldy: Turǵyndar qaqaǵan sýyqta sýsyz otyr
