«Ulttyq quryltaıdyń besinshi otyrysynda Memleket basshysy «birneshe jyl boıy muqııat qalyptastyryp kele jatqan saıası qurylymnyń úılesimdi túıini» retinde tarıhı ári mańyzdy usynys aıtty. Prezıdent birqatar elde bar Vıse-prezıdent ınstıtýtyn engizýdi usyndy. Memleket basshysynyń ózi atap ótkendeı, «bizdiń jaǵdaıymyzda bul laýazymdy engizý memleketti basqarý prosesin turaqtandyrady. Sondaı-aq bılik ıerarhııasyn birjola aıqyndap beredi». Sonymen qatar reformalardyń jańa kezeńinde qoǵam damýynyń barlyq máselesine qatysty turaqty jalpyulttyq dıalog júrgizý úshin aýqymdy platforma retinde Qazaqstannyń Halyq Keńesin qurý usynyldy», dedi E.Jıenbaev.
Elvıra Azımova Konstıtýsııalyq reformanyń basty maqsaty men mindetterin atady
Onyń aıtýynsha, atalǵan organ halqymyzdyń yntymaq-birligin nyǵaıtýǵa yqpal etetin negizgi qoǵamdyq-saıası birlestikter men qurylymdardy qosyp, Qazaqstan halqy Assambleıasy men Ulttyq quryltaıdyń strategııalyq fýnksııalaryn oryndaýdy jalǵastyrady. Osy eki mańyzdy ınstıtýt boıynsha negizgi erejeler Konstıtýsııa deńgeıinde tıisti reglamentteýdi talap etedi.
«Vıse-Prezıdentti jalpy depýtattar sanynyń kópshilik daýysymen bildirilgen Quryltaıdyń kelisimimen Prezıdent taǵaıyndaıdy. Vıse-Prezıdentti qyzmetinen Prezıdent bosatatyn bolady», dedi E.Jıenbaev.
Vıse-Prezıdent:
– Prezıdenttiń tapsyrmasy boıynsha Qazaqstan Respýblıkasynyń halyqaralyq qatynastardaǵy múddelerin bildiredi;
– Quryltaımen, Úkimetpen jáne ózge de memlekettik organdarmen ózara is-qımyl barysynda Prezıdenttiń atynan ókildik etedi. Sonymen qatar Vıse-Prezıdent Qazaqstan Respýblıkasy Prezıdenti atynan Qazaqstan Respýblıkasynyń jáne shetelderdiń qoǵamdyq-saıası, ǵylymı jáne mádenı-aǵartýshylyq uıymdarymen qarym-qatynas ornatady.
Konstıtýsııalyq reforma jónindegi komıssııanyń alǵashqy otyrysy bastaldy
Vıse-Prezıdenttiń ózge de ókiletteri Prezıdentpen aıqyndalady. Vıse-Prezıdent ınstıtýtynyń engizilýine baılanysty Konstıtýsııadan Memlekettik keńesshi týraly normalar alynyp tastalady. Konstıtýsııa deńgeıinde Vıse-Prezıdentke qoıylatyn talaptardy kózdeý qajet. Vıse-Prezıdent ókildi organnyń depýtaty bolmaýǵa, ózge de aqyly laýazymdardy atqarmaýǵa jáne kásipkerlik qyzmetti júzege asyrmaýǵa tıis. О́z ókilettikterin júzege asyrý kezeńinde Vıse-Prezıdent saıası partııanyń múshesi bolmaý kerek. Mundaı tártip saıası básekelestikti arttyrýǵa jáne barlyq partııalardyń damýy úshin teń jaǵdaıdy qamtamasyz etýge baǵyttalǵan ustanymǵa sáıkes keledi.
