Foto: Anadolu Ajansi
Aq úı basshysynyń aıtýynsha, «Dezorıentator» (The Discombobulator) dep atalatyn qurylǵy operasııa barysynda sheshýshi ról atqaryp, Qytaı men Reseıde jasalǵan venesýelalyq áskerı tehnıkany isten shyǵarǵan.
Kongrestiń kelisiminsiz Venesýelaǵa shabýyldaýǵa bolmaıdy: Senat Trampqa shekteý qoıdy
Tramp bul málimdemeni CNN arnasynyń AQSh Ishki qaýipsizdik mınıstrligi «gavan sındromyn» týyndatýy múmkin qurylǵy satyp alǵany jónindegi habarlarynan keıin jasady. «Gavan sındromy» alǵash ret 2016 jyly Kýbadaǵy AQSh Elshiliginiń qyzmetkerlerinde tirkelgen. Ol qulaqtaǵy shý, bas aınalý, bastyń qysym men diril sezinýi sekildi belgilermen sıpattalady. Keıbir boljamdarǵa sáıkes, mundaı sımptomdar mıkrotolqyndy sáýlelenýdiń áserinen paıda bolýy múmkin.
Tramp ózin Venesýela prezıdentiniń mindetin atqarýshy dep málimdedi
New York Post keltirgen operasııa kýágerleriniń aıtýynsha, qarýdyń áseri erekshe bolǵan. Venesýela prezıdenti kúzetshileriniń murnynan kenet qan ketip, keıbiriniń qan qusyp, qatty álsiregeni baıqalǵan. Kýágerlerdiń biri muny «óte qýatty dybystyq tolqyn» dep sıpattap, «bas ishten jarylyp ketkendeı áser boldy» degen.
Venesýela Qorǵanys mınıstrliginiń málimetinshe, operasııa kezinde 83 adam qaza tapqan. Al Donald Tramp New York Post basylymyna bergen túsiniktemesinde «Dezorıentatordyń» jumys isteý tetigi týraly qosymsha málimet berýden bas tartqan.
