Foto Depositphotos.com
«23 qańtar kúni О́skemen garnızonyndaǵy áskerı bólimderdiń birinde qaraýyl qyzmetin atqarý kezinde merzimdi áskerı qyzmetshi ózine bekitilgen qarýdan óz-ózine oq atyp, alǵan jaraqatynan kóz jumdy. Áskerı qyzmetshi ótken jyldyń sáýir aıynda merzimdi áskerı qyzmetke shaqyrylǵan», dedi ol.
Atalǵan derek boıynsha Ishki ister mınıstrliginiń Shyǵys óńirlik áskerı tergeý basqarmasynyń О́skemen bóliminde qylmystyq is qozǵaldy. Tergeý barysy О́skemen garnızonynyń áskerı prokýratýrasynyń baqylaýynda.
Qaıǵyly oqıǵanyń sebepteri men jaǵdaılary anyqtalyp jatyr, al basqa aqparat tergeý múddesine baılanysty jarııa etilmeıdi.
Qorǵanys mınıstriniń tapsyrmasymen oqıǵanyń obektıvti ári jan-jaqty zerttelýi úshin mınıstrliktiń general-maıory Asqar Mustabekov basqaratyn komıssııa jumys istep jatyr.
Qorǵanys mınıstrligi men Qarýly Kúshter basshylyǵy qaza tapqan sarbazdyń týǵan-týystary men jaqyndaryna qaıǵyryp kóńil aıtady. Mınıstrlik marqumnyń otbasyna qoldanystaǵy zańnamaǵa sáıkes barlyq qajetti kómek kórsetiletinin málimdedi.
Almaty oblysynda oqý polıgonynda sarbazǵa oq tıip, jaraqat aldy
