Foto: Jasandy ıntellekt jáne sıfrlyq damý mınıstrligi
Jobanyń basty maqsattarynyń biri – talshyqty-optıkalyq baılanys jelilerin tartý nemese uıaly baılanys bazalyq stansııalaryn ornatý múmkin emes shalǵaı ári turǵyndary az eldi mekenderdi ınternetpen qamtamasyz etý. Mundaı aýyldarda turaqty ári joǵary jyldamdyqtaǵy ınternetke qol jetkizý úshin spýtnıktik baılanys júıeleri qoldanyldy.
2023 jyldan bastap KazSat spýtnıkteri arqyly 176 aýyldyq eldimeken ınternetke qosylǵan. Qalǵan 328 aýyldyq eldi meken beıgeostasıonarlyq spýtnıktik júıeler (NGSO) negizinde OneWeb tehnologııasy arqyly, Jusan Mobile operatorynyń qatysýymen ınternetke qosyldy. Osylaısha, jobada kózdelgen barlyq 504 aýyldyq eldimeken spýtnıktik ınternetpen tolyq qamtyldy.
Poıyzdar men ushaqtarda Starlink deńgeıindegi ınternet paıda bolady
Atalǵan mınıstrliktiń málimetinshe, jobanyń iske asyrylýy – aýyl turǵyndaryna onlaın bilim alý, elektrondyq memlekettik qyzmetterdi paıdalaný, telemedısınaǵa qol jetkizý jáne jaqyndarymen turaqty baılanys ornatý sııaqty zamanaýı sıfrlyq múmkindikterdi ashty. Bul eldi mekenderdegi ómir sapasyn arttyrýǵa jáne qala men aýyl arasyndaǵy sıfrlyq alshaqtyqty azaıtýǵa múmkindik beredi.
