foto: ashyq derekkóz
Tergeý málimetterine sáıkes, 2025 jyly áıel ınternet-dúken arqyly 680 myń teńgege kvadrosıkl satyp almaq bolǵan. Alaıda qarajat kórsetilgen esepshotqa aýdarylǵannan keıin satýshy baılanysyn úzip, habarsyz ketken.
Jedel izdestirý sharalarynyń nátıjesinde aqsha aýdarylǵan bank shoty astanalyq kásipker áıelge tıesili ekenin belgili boldy.
Petropavlda 120 mln teńgeni qoldy qylǵan dropperler sottaldy
Kúdiktiniń aıtýynsha, buǵan deıin oǵan beıtanys er adam habarlasyp, aqshalaı syıaqy úshin óziniń bank esepshotyn qarajat aýdarýǵa paıdalanýdy usynǵan. Áıel bul usynysqa kelisken. Qarajat túsken soń ol somanyń bir bóligin ózine qaldyryp, qalǵanyn qolma-qol aqshaǵa aınaldyryp, úshinshi tulǵaǵa bergen.
Atalǵan fakti boıynsha kásipkerge qatysty qylmystyq is qozǵaldy, sotqa deıingi tergeý jalǵasyp jatyr.
Polısııa qyzmetkerleri 2025 jyldan bastap dropperlik áreketter resmı túrde qylmystyq jaýapkershilikke jatatynyn eske salady. Bank esepshottyn, kartany nemese rekvızıtterdi úshinshi tulǵalarǵa, tipti «ýaqytsha», «ótinish boıynsha» nemese «aqy úshin» berý qylmystyq jaýapkershilikke ákeledi.
