foto: ashyq derekkóz
Eýrokomıssııa sýperkompıýterlerdiń qarqyndy damýyna baılanysty barlyq qupııasózderdiń buzylý qaýpi bar ekenin eskertti.
Eýrokomıssııanyń tehnologııalyq egemendik pen derekter qaýipsizdigi jónindegi komıssary Henna Vırkkýnenniń aıtýynsha, zamanaýı shıfrlaý júıeleri shamamen tórt jyldan keıin óziniń tıimdiligin tolyq joǵaltýy yqtımal. Basty qaýip – zamanaýı ashyq kiltti shıfrlaý ádisterin ońaı buza alatyn kvanttyq kompıýterlerdiń paıda bolýynda. Sonyń saldarynan jeke hat almasýlardy, bank operasııalaryn, korporatıvtik derekterdi jáne memlekettik organdardyń aqparattyq júıelerin qorǵaýǵa arnalǵan kúrdeli qupııasózderdiń ózi qaýip astynda qalýy múmkin.
Eýrokomıssııa bul qaterge qarsy jalǵyz tıimdi sheshim – postkvanttyq krıptografııany engizý ekenin atap ótti. EO-nyń jol kartasyna sáıkes, 2030 jylǵa qaraı asa mańyzdy júıelerdi kvanttyq esepteýlerge tózimdi jańa shıfrlaý ádisterine kóshirý usynylady. Alaıda kóshý merzimi men aýqymy jónindegi túpkilikti sheshim EO-ǵa múshe memleketterdiń quzyrynda qala beredi.
