Densaýlyq saqtaý mınıstrliginiń málimetinshe, profılaktıka maqsatynda jáne Úndistandaǵy Nıpah vırýsy boıynsha epıdemıologııalyq jaǵdaıǵa baılanysty Densaýlyq saqtaý mınıstrligi Memlekettik shekara arqyly barlyq ótkizý pýnktterinde sanıtarııalyq-karantındik baqylaýdy kúsheıtti.
«Úndistannan jáne aýrý tirkelgen Ońtústik-Shyǵys Azııanyń basqa elderinen kelgen adamdarǵa erekshe nazar aýdarylady. Osy ınfeksııa boıynsha qolaısyz elderdiń tizbesi turaqty negizde qaıta qaralady jáne jańartylady», delingen habarlamada.
Medısınalyq uıymdar ınfeksııany ákelý múmkin bolǵan jaǵdaıda daıyndyqqa keltirildi. Shuǵyl medısınalyq kómek jáne ınfeksııalyq stasıonarlar brıgadalarynyń daıyndyǵy qamtamasyz etildi, dárilik zattardyń, jeke qorǵaný quraldarynyń jáne dezınfeksııalaý quraldarynyń azaıtylmaıtyn qorlary qalyptastyryldy.
Infeksııanyń taralýynyń profılaktıkasy maqsatynda endemııalyq elderge sapar shegýdi josparlap otyrǵan azamattarǵa jeke profılaktıka sharalaryn saqtaý jáne qaıtyp kelgennen keıin aýrýdyń belgileri paıda bolǵan kezde dárigerge bolý eli týraly habarlaı otyryp, dereý medısınalyq kómekke júginý usynylady.
Aıta keteıik, Nıpah vırýsy zoonozdyq ınfeksııalarǵa jatady jáne adamdarǵa janýarlardan, sonyń ishinde jarqanattar men shoshqalardan, sondaı-aq juqtyrǵan adammen tyǵyz baılanysta bolady. Lastanǵan taǵamdar men sýsyndar arqyly berilýi múmkin.
Aýrý joǵary temperatýramen, bas aýrýymen, jalpy álsizdikpen, al aýyr jaǵdaılarda ortalyq nerv júıesiniń zaqymdalýymen jáne pnevmonııanyń damýymen birge júrýi múmkin.
Búgingi kúni Nıpah vırýsyna qarsy arnaıy emdeý jáne maquldanǵan vaksına joq, medısınalyq kómek sımptomatıkalyq túrde jasalady.
