Foto: gov.kz
Serik Sápıevtiń aıtýynsha, oblystyq sport uıymdarynyń basshylaryn zańsyz rotasııalaýǵa áreket jasalyp, oǵan orynbasary Dáýren Esimhanov ta qatysqan. Ol osy áreketti toqtatqannan keıin, saldary janjalǵa ulasqanyn aıtty.
«Bul jeke nemese turmystyq janjal emes. Aımaqta jasyryn yqpaly bar keıbir adamdar tarapynan qarsylyqqa tap boldym. Memleket basshysy aıtqandaı, qazaqstandyq sporttaǵy júıeli reformalardy júzege asyrý jolyndaǵy mundaı arandatýshylyqtar bizdiń sheshimimizdi shaıqaltpaıdy», dedi Serik Sápıev.
Qaraǵandy oblystyq sport basqarmasynyń basshysy buǵan deıin de oqıǵaǵa qatysty pikir bildirip, ádep normalaryn saqtap, arandatýshylyqqa ermeıtinin jetkizgen.
Aıta keteıik, Qaraǵandy oblysynyń ákimi Ermaǵanbet Bólekpaev Sápıev pen Esimhanov arasyndaǵy janjalǵa quqyqtyq baǵa beriletinin málimdedi.
