«Kompanııa elektr energııasyn taratý júıesiniń qaýipsiz iske qosylǵanyn jáne shıki munaıdyń bastapqy óndirý jumystarynyń qaıta bastalǵanyn rastaıdy.
«Teńizshevroıl» múmkindikke qaraı óndiris kólemin kezeń-kezeńimen arttyrýǵa kiristi. Kompanııa qaýipsiz ári senimdi óndiristi qamtamasyz etý qaǵıdattaryna adal bolyp qala beredi. Budan ózge óndiristik qyzmetiniń egjeı-tegjeılerine túsinikteme bermeıdi», dep habarlady kompanııanyń baspasóz qyzmeti.
Esterińizge sala keteıik, energııa júıesindegi irkiliske baılanysty Teńiz jáne Korolevskoe ken oryndarynda munaı óndirýdi toqtatýǵa týra kelgen bolatyn. 18 qańtarda Atyraý oblysynda eki transformatordan órt shyqty.
Munaı óndirisi toqtap tur: Energetıka mınıstrligi Teńiz ken ornynda tekserý júrgizip jatyr
Sol ýaqytta tehnıkalyq qyzmetter apattyń sebepterin anyqtaýǵa jáne onyń saldaryn joıýǵa kiristi. Kompanııa oqıǵa saldarynan eshkimniń zardap shekpegenin atap ótti.
