Foto: gov.kz
Ǵylym jáne joǵary bilim mınıstrliginiń málimetinshe, talapkerlerdiń 72%-y testileýdi qazaq tilinde, 28%-y orys tilinde jáne 71 adam aǵylshyn tilinde tapsyrǵan.
Bes pán boıynsha ortasha kórsetkish 61 baldy qurap, eń joǵary nátıje retinde 138 ball tirkelgen.
Erekshe bilim berý qajettilikteri bar oqýǵa túsýshiler úshin qolaıly jaǵdaı jasaýdyń arqasynda UBT-ǵa 260 talapker qatysqan.
Talapkerler test tapsyrmalarynyń mazmuny boıynsha testileý aıaqtalǵannan keıin 30 mınýt ishinde apellıasııaǵa bere alady. Tehnıkalyq sebepter boıynsha apellıasııa testileý kezinde qabyldanady. Test nátıjesi belgilengen sertıfıkattar apellıasııa qarastyrylǵannan keıin jeke kabınetterde qoljetimdi bolady.
«UBT ótip jatqan eki aptada 173 ereje buzýshylyq anyqtaldy. 108 talapker smartfon, shpargalka jáne basqa da tyıym salynǵan zattardy alyp kirmek bolǵany úshin testileýden shettetildi. Taǵy 65 adam testileý kezinde erejelerdi buzǵany úshin aýdıtorııadan shyǵaryldy, olardyń nátıjeleri joıyldy. О́zge adamdardyń ornyna kirý faktileri anyqtalǵan joq», delingen mınıstrlik taratqan habarlamada.
Aıta keteıik, UBT aıaqtalǵannan keıin osy jyldyń 31 qazanyna deıin beınejazbalarǵa taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda UBT nátıjeleri joıylady.
Jalpy qańtarda ótetin UBT-ny tapsyrýǵa 187 myń adam ótinish bergen.
