Shyǵys Qazaqstanda jemqorlyqqa qarsy birlesken jobalar júzege asyrylady

О́SKEMEN. 24 aqpan. Memlekettik qyzmet isteri jáne sybaılas jemqorlyqqa qarsy is-qımyl agenttiginiń Shyǵys Qazaqstan oblysy boıynsha departamenti óńirdegi bilim berý, ishki saıasat, aýyl sharýashylyǵy, kásipkerlik jáne ındýstrıaldy-ınnovasııalyq damý, densaýlyq saqtaý basqarmalarymen syndarly yntymaqtastyq jónindegi birlesken jobalardy júzege asyrmaq. Bul týraly egemen.kz tilshisi habarlady. Jobalar agenttik basshylyǵynyń tapsyrmasyna sáıkes, jergilikti jerlerdegi atqarýshy organdarmen Qazaqstan Respýblıkasynyń sybaılas jemqorlyqqa qarsy biryńǵaı kelisilgen saıasatyn júrgizý, oǵan halyqty barynsha qatystyrý maqsatynda bekitildi. Birlesken jobalar aıasynda bıznestiń damýyna kedergi keltiretin ákimshilik kedergilerdi azaıtý jáne júıeli problemalardy anyqtaý, kásipkerlik sýbektileriniń qyzmetin zańsyz tekserýge jol bermeý jónindegi sharalardy qabyldaý boıynsha kásipkerlerdiń quqyqtary qorǵalady. Jastar arasynda sybaılas jemqorlyqqa qarsy mádenıetti nasıhattaý jáne tárbıeleý, sybaılas jemqorlyqqa qarsy is-qımyldyń prızmasy arqyly maqsatty toptar úshin aǵartýshylyq jumystardy arnaıy oqytý baǵdarlamalaryn iske asyra otyryp júrgizý qarastyrylǵan. Sondaı-aq saıası partııalar, qoǵamdyq uıymdar, úkimettik emes uıymdar, etnomádenı jáne dinı birlestikter, quqyq qorǵaý uıymdary, kásipodaqtar, buqaralyq aqparat quraldary, ǵylymı jáne shyǵarmashylyq qoǵamdar, qoǵamdyq pikir jetekshilerimen birlesken yntymaqtastyq jumystar júrgiziledi. Dýman Anash. Derek: egemen.kz. Sýret: mednorma.ru.