Depýtattyń aıtýynsha, Komıssııa ashyqtyq qaǵıdattary men barlyq saıası partııalardyń pikirin eskerý negizinde jumys isteýde, al konstıtýsııalyq ózgerister ınstıtýsıonaldyq turǵydan myqty Parlament qalyptastyrýǵa baǵyttalǵan.
«Búgingi tańda biz qoldanystaǵy negizgi zańǵa túzetýler engizý boıynsha ǵana emes, Ádiletti Qazaqstannyń suranystaryna jaýap beretin jańa Konstıtýsııany is júzinde qalyptastyryp jatyrmyz. Bul, kúshti Prezıdent – yqpaldy, Parlament – esep beretin Úkimet qaǵıdatyna negizdelgen, bılik arhıtektýrasyn júıeli túrde qaıta qurý degen sóz», dedi Elnur Beısenbaev.
Konstıtýsııalyq reforma: «Quryltaı» men «Halyq keńesiniń» ókilettigi talqylandy
Ol bir palataly Parlamentke kóshý zań shyǵarý isin jedeldetip, saıası partııalardyń rólin kúsheıtetinine ári depýtattardyń qoǵam aldyndaǵy jaýapkershiligin arttyratynyna nazar aýdardy.
«Barlyq zańdar bir Parlamentte úsh oqylymnan ótedi: alǵashqy ekeýi – ashyq túrde, úshinshisi – Konstıtýsııa men ulttyq zańnamaǵa sáıkestigin tekserý úshin. Bul lobbıstik yqpal men jeke múddelerdiń aralasýyn tolyqtaı joqqa shyǵarady», dep atap ótti depýtat.
Konstıtýsııalyq reforma: Ata zańnyń qaı baptary qaıta qaralady?
Beısenbaev sondaı-aq proporsıonaldy saılaý júıesiniń jáne partııaishilik praımerızdiń mańyzyn aıtty. Onyń sózinshe, bul tetikter saılaýshylar men Parlament quramy arasyndaǵy tikeleı baılanysty qamtamasyz etedi, onyń ishinde jeke azamattardyń ókilderi de bolady.
«Proporsıonaldy júıe saılaýshy men Parlament arasyndaǵy tikeleı baılanysty bildiredi. Partııa árbir daýys úshin kúresedi, onyń ishinde táýelsiz azamattyń daýysy da bar, bul qoǵam aldyndaǵy jaýapkershilikti kúsheıtedi», dedi depýtat.
Sonymen qatar otyrys barysynda nekeni er men áıeldiń odaǵy retinde bekitý týraly, Konstıtýsııanyń preambýlasyn «Ádiletti Qazaqstan» jáne «Zań men tártip» qaǵıdattaryna basymdyq bere otyryp jańartý, sondaı-aq zııatkerlik menshikti qorǵaýdy kúsheıtý jónindegi túzetýler usynyldy.
Konstıtýsııalyq reforma jónindegi komıssııa otyrysy ótip jatyr
«Bolashaq Parlamentti Quryltaı dep ataý – tarıhı ári qazirgi zaman úshin mańyzdy. Bul dástúrmen, ulttyq rýhpen jáne halyq aldyndaǵy jaýapkershilikpen sabaqtastyqty bildiredi», dep sózin túıindedi Elnur Beısenbaev.
