«Shyǵys» óńirlik qolbasshylyǵyna qarasty 5512 áskerı bólimniń ujymy maıdangermen árqashan tyǵyz baılanys ornatyp, keıýananyń shańyraǵyna jıi at basyn buryp turady. Bul joly da áskerı bólim orkestri ardager turatyn úıdiń aýlasynda soǵys ánderin shyrqady. Áýezdi ándi siltideı tynyp tyńdaǵan aýla turǵyndary ónerpaz áskerılerge qoshemet bildirdi.
Ulandyqtar 100 jasqa tolǵan soǵys ardagerin týǵan kúnimen quttyqtap, Otan qorǵaý jolyndaǵy erligi úshin alǵysyn bildirip, zor densaýlyq jáne uzaq ǵumyr tiledi.
Aıta ketsek, Marııa Alekseevna Matıýshına 1926 jyly jumysshylar otbasynda dúnıege kelgen. 1942 jyly 16 jasar Marııa Novomoskovsk qalasyna tájirıbege kelip, ata-anasyna aıtpaı, áskerı maskırovka kýrstaryna erikti bolyp jazylady. Jaýyngerlik jolynda qorǵanys qurylysy basqarmasynyń 225-shi quramynda, 104-shi áskerı qurylys jasaǵynyń quramynda Belarýske deıin jetken. Ardager jeńisti Fınlıandııa shekarasynda qarsy alǵan.
Surapyl soǵys aıaqtalǵannan keıin otaý quryp, 3 ul men 1 qyz tárbıelep ósirdi. Keıýananyń 11 nemeresi, 29 shóberesi, 3 shópshegi bar.
Jetisý garnızonynyń áskerıleri 102 jastaǵy maıdangerdi quttyqtady
