Kórmege art-terapııalyq sabaqtar barysynda oryndalǵan jumystar qoıylyp, ızoterapııa men sándik-qoldanbaly ónerdiń ártúrli tehnıkalary qamtyldy. Atap aıtqanda, kınýsaıga, kilem tehnıkasy, júnnen jasalǵan akvarel jáne bısermen jumys isteý ádisteri qoldanylǵan. Bul tásilder zeınetkerlerdiń shyǵarmashylyq áleýetin ashyp, emosıonaldyq jaı-kúıin jaqsartýǵa baǵyttalǵan.
Zeınetaqy 10%-ǵa ósedi: 2026 jyly zeınetkerler qansha teńge alady?
Ekspozısııaǵa art-stýdııa úıirmesiniń turaqty qatysýshylarymen qatar, jańadan qosylǵan zeınetkerler de qatysty. Kórmede shamamen 40 qatysýshynyń jumysy usynylyp, ár avtordyń jeke shyǵarmashylyq kózqarasy men stıli kórinis tapty.
«Qysqy shabyt» kórmesi kóktemgi kórme ashylǵanǵa deıin jalǵasady. Joba qatysýshylardyń shyǵarmashylyq damýyna yqpal etip, kórermenderge estetıkalyq áser men jaǵymdy kóńil-kúı syılaıdy.
«Bul kórme qystyń tynyshtyǵy men jaryǵyn, ózindik kóńil-kúıi men rýhanı áserin jetkizetin shyǵarmashylyq keńistik retinde uıymdastyryldy. Sýret ónerin súıip tamashalaıtyn qala turǵyndaryn ájelerimizdiń shyǵarmalarymen tanysýǵa shaqyramyz. «Qysqy shabyt» kórmesi Qoshqarbaev dańǵyly 29/1 úıde qys aılarynyń sońyna deıin jalǵasady», dep oı bólisti kórme uıymdastyrýshy Aıgúl Erkinqyzy.
Jalpy Almaty aýdany boıynsha art-terapııa úıirmesi 2022 jyldan beri jumys istep keledi, úıirmege qol óner sheberi Aıgúl Qojahmetova jetekshilik etedi.
