Sýret: facebook.com/ontustik.gov.kz
J.Nurlybaev aýyldyq okrýgine qarasty О́nimker, Yrysty, Qaraqyr eldi mekenderinde boı kótergen bul nysandar memleket-jekemenshik áriptestigi aıasynda salynǵan. Zamanaýı medısınalyq qurylǵylarmen tolyq jabdyqtalǵan pýnktter aýyl turǵyndaryna alǵashqy medısınalyq kómek kórsetý, skrınıngtik tekserýler júrgizý, ana men bala densaýlyǵyn baqylaý baǵytynda sapaly qyzmet usynady. Jalpy, keıingi eki jylda atalǵan aýdanda osyndaı 10-ǵa jýyq nysan halyq ıgiligine berilgen.
Igi bastama Qazyǵurt aýdanynda da jalǵasyn tapty. Jýyrda mundaǵy Jumysshy aýylynda sý jańa feldsherlik-akýsherlik pýnkt jumysyn bastasa, Saryaǵash aýdanynda bir kúnde eki birdeı medısınalyq nysan qatarǵa qosyldy. Atap aıtqanda, Tóńkeris, Bereke aýyldarynda zamanaýı talaptarǵa saı dárigerlik ambýlatorııalar paıdalanýǵa berildi. Jeke ınvestor esebinen turǵyzylǵan ǵımarattar EKG apparattarymen, gınekologııalyq, balalarǵa arnalǵan arnaıy bólmelermen, sondaı-aq fızıoterapııalyq qural-jabdyqtarmen tolyq qamtylǵan.
Túıindeı aıtsaq, byltyr oblys kóleminde 30-ǵa jýyq feldsherlik-akýsherlik pýnkt el ıgiligine berildi. Budan bólek, qazir Saryaǵash qalasy men Temirlan aýylynda «Arnaýly memlekettik qor» esebinen eki birdeı perınataldyq ortalyqtyń qurylysy qyzý júrip jatyr. Jalpy quny 83,2 mlrd teńgeni quraıtyn qos jobany merziminde aıaqtaýǵa bıyl oblystyq bıýdjetten 34,6 mlrd teńge bólý usynyldy.
Túrkistan oblysy
