Foto: ashyq derekkóz
«Almatyelektrotrans» baspasóz qyzmetiniń málimetinshe, №92 baǵyttaǵy avtobýstyń júrgizýshisi Aleksandr Stepanov sol kúni tańerteń medısınalyq tekserýden ótken.
Oqıǵa bolǵan kezde kólikte jolaýshylar da bolǵan. Qoǵamdyq kólik Abaı dańǵyly men Saıyn kóshesiniń qıylysynda baǵdarshamnyń qyzyl túsine toqtaǵanda KAP-2 dıspetcherlik qyzmetine júrgizýshiniń densaýlyǵy syr bergeni týraly habar túsken.
Almatyda avtobýs júrgizýshilerine arnalǵan demalý bólmeleri salynady
Muny baıqaǵan jolaýshylardyń biri lezde áreket etip, júrgizýshi kabınasyna kirip tejegishti basyp úlgergen. Batyl sheshimniń arqasynda jol apaty tirkelmegen.
Dese de jedel járdem qyzmetkerleri jetkende Aleksandr Stepanovtyń jan tapsyrǵanyn anyqtaǵan. Aldyn ala jasalǵan qorytyndyǵa saı júrgizýshi jedel mıokard ınfarktinen kóz jumǵan bolýy múmkin.
«Oqıǵa ornyna Áýezov aýdany jol polısııasy basqarmasynyń qyzmetkerleri jetti. Avtobýsqa tehnıkalyq zaqym kelmegen, jolaýshylar arasynda zardap shekkender joq. Tergeý sharalarynan keıin kólik parkke jetkizildi», delingen qalalyq polısııa taratqan habarlamada.
Kókshetaýda shetel azamattary otyrǵan avtobýs jolaýshylary evakýasııalandy
Al Aleksandr Stepanov «Almatyelektrotrans» JShS-de 2023 jyldyń tamyz aıynan beri qyzmet etken. Kúni keshe 2/2 jumys kestesine sáıkes, onyń marshrýtqa shyqqan alǵashqy jumys kúni bolǵan.
Kompanııa júrgizýshiniń týǵan-týysyna kóńil aıtyp, zańnama aıasynda otbasyna kómek berýge daıyn ekenin habarlady.
