Foto: Qorǵanys mınıstrligi (arhıv)
Búginde dron operatorynyń jumysy tek qurylǵyny basqarýmen shektelmeıdi. Mamandar ushý josparlaryn ázirleýdi, derekterdi óńdeýdi jáne kúrdeli tehnıkalyq qyzmet kórsetýdi meńgerý tıis. Qarapaıym qurylǵylardy basqarý ónerkásiptik drondardy ıgerýge jetkiliksiz. Ushqyshsyz áýe kemeleri avtomatty rejımde usha alǵanymen, marshrýt qurý, qajetti aqparatty jınaý, mýltıspektrli kamera nemese teplovızor sekildi kúrdeli jabdyqtardyń jumysyn túsiný joǵary biliktilikti talap etedi. Sondyqtan operatorlar modeldeý, baǵdarlamalaý negizderin, sondaı-aq drondardy basqarýǵa arnalǵan baǵdarlamalyq qamtamasyz etýdi jaqsy bilýi qajet.
Robottar men drondar elektr-jylý jelilerin dıagnostıkalaý úshin qoldanylmaq
Osy suranysty eskere otyryp, ortalyq 1 jáne 2 sanattaǵy UÁKJ operatorlaryna arnalǵan oqý kýrstaryn ázirledi. Baǵdarlamalar teorııalyq bilimdi qalyptastyrýmen qatar, praktıkalyq daǵdylardy damytýǵa baǵyttalǵan.
1-sanat. UÁKJ operatorynyń bazalyq daıarlyǵy jeke maqsatta maksımaldy ushyp kóterilý salmaǵy 25 kelige deıingi kóp rotorly jáne tikushaq tıpti drondardy paıdalanatyndarǵa arnalǵan. Oqytý tolyqtaı teorııalyq sıpatta ótedi jáne ushqyshsyz júıelerdi qaýipsiz ári saýatty qoldanýǵa qajetti irgeli bilim beredi. Tyńdaýshylar ulttyq jáne halyqaralyq avıasııa zańnamasynyń negizderin, áýe keńistiginiń qurylymyn, ushýǵa ruqsat alý tártibin meńgeredi. Sonymen qatar avıasııalyq qaýipsizdik, táýekelderdi taldaý, yqtımal qaterlerdi anyqtaý jáne standartty emes jaǵdaıda durys sheshim qabyldaý máselelerine erekshe kóńil bólinedi. Kýrs 24 saǵatqa eseptelgen, aptasyna 4 kún, kúnine 6 saǵattan ótedi.
Qazaqstandyq ınjener AQSh-taǵy eń úzdik 10 dron ázirleýshiniń qataryna kirdi
2-sanat. UÁKJ operatory baǵdarlamasy (MID Rating) maksımaldy ushyp kóterilý salmaǵy 25 kelige deıingi barlyq tıptegi drondarmen jumys isteıtin mamandarǵa arnalǵan. Bul kýrs teorııalyq jáne praktıkalyq oqytýdy qamtyp, operatordyń kásibı qyzmetine qajetti arnaıy bilim men daǵdylardy qalyptastyrýdy kózdeıdi. Teorııalyq bólimdi aıaqtaǵan soń tyńdaýshylar ushqyshsyz júıelerdiń jumys isteý qaǵıdattaryn, algorıtmderin tereń meńgerip, praktıkalyq tapsyrmalardy senimdi oryndaýǵa múmkindik alady.
Aıta keteıik, praktıkalyq sabaqtar kóp rotorly dron operatorlarynyń bastapqy ushý daıarlyǵyna baǵyttalǵan. Kýrs barysynda stýdentter ushý aldyndaǵy daıyndyq, jınaqtaý jáne tekserý rásimderin, túrli ushý tapsyrmalaryn qurastyrý men oryndaý tásilderin úırenedi. Praktıkalyq bólimniń jalpy uzaqtyǵy 48 saǵatty quraıdy, ıaǵnı aptada 6 oqý kúni, ár kúnine 8 saǵattan ótedi.
О́nerkásip jáne qurylys mınıstrliginiń habarlaýynsha, oqý baǵdarlamalary boıynsha tolyq aqparatty Astana qalasy, Áýezov kóshesi, 2 mekenjaıynan nemese arnaıy baılanys nómirleri (+7 777 614 27 19, +7 702 505 70 09) arqyly alýǵa bolady.
