Úndistanda qalyńdyq toı ústinde jigitin tastaı qashty

ASTANA. 25 naýryz. Úndistannyń Ýttar-Pradesh shatatynda ótip jatqan neke qııý saltanatynda kúıeý jigit óziniń óte qarapaıym esepti shyǵara almaıtynyn, dáliregi saýaty tym nashar ekenin sezdirip alyp, sonyń saldarynan qalyńdyǵy oǵan úılenýden bas tartty. Bul týraly «Ekspress-K» gazeti habarlady. Tarata aıtar bolsaq, neke qııý rásimi saltanatty jaǵdaıda ótip jatady. Bir kezde oılamaǵan jerden qalyńdyqtyń ápkesi kúıeý baladan 15-ke 6-ny qosyp berýin suraıdy. Jigit oǵan «17» dep jaýap beredi. Muny estigen qalyńdyq Lavlı Sıngh bilimsiz adamǵa turmysqa shyqpaıtynyn aıtyp, toı ústinen birden úıine ketip qalady. Qyzdyń ákesi Mohar Sıngh perzentiniń sheshimin quptaǵan. Ol: «Rama Baran birinshi synyptyń kez kelgen oqýshysy shyǵaratyn eseptiń jaýabyn aıta almady. Onyń otbasy balalarynyń bilimsiz ekenin jasyryp, bizdi aldady», depti. Osylaısha, eki jaq ta yńǵaısyz jaǵdaıda qalǵan. Sondaı-aq, qalyńdyqtyń týystary neke qııý saltanatyna oraı kúıeý jigit jaǵyna aldyn ala bergen syılyqtaryn qaıtaryp alý úshin polısııaǵa shaǵymdanady. Al Rama Barannyń týystary olardyń talaptaryn qarsylyqsyz oryndaıdy. Aıta keteıik, qazirgi tańda Úndistanda eresekterdiń tórtten biri saýatsyz degen derek bar. Olardyń basym bóligin áıelder, tómengi kastadaǵylar, az taraǵan keıbir dinı aǵymdardyń ókilderi, kedeıler, sondaı-aq, eldiń soltústik-shyǵysyndaǵy turǵyndar quraıtyn kórinedi. Joldybaı Bazar. Derek, sýret: «Ekspress-K».