«Qazaqstan balalary» tujyrymdamasy sheńberinde balalardyń quqyqtaryn qorǵaý, qaýipsizdigi jáne ál-aýqaty salasyndaǵy vedomstvoaralyq ózara is-qımyldy kúsheıtý jónindegi sharalar kesheni kózdelgen.
«Aqmaral Sháripbaıqyzy balalardyń iship-jeıtin tamaǵy – mańyzdy másele. Bizde ókinishke qaraı, balalar men jasóspirimderdiń kóbisi fastfýdqa, energetıkalyq sýsyndarǵa qumar. Tipti keı kezde oǵan táýeldi bolyp qalady. Osy qaýipke bárimiz búkil el bolyp, qoǵam bolyp toıtarys berýimiz kerek. Bul – óte qaýipti jaǵdaı. Usynystar engizińizder», dep atap ótti Oljas Bektenov.
Bıylǵy jyldyń 1 aqpanynan bastap barlyq bilim berý uıymdaryna «tosynnan kirip kelý» qaǵıdaty boıynsha erekshe baqylaý men qadaǵalaý engiziledi. Tekserýler balalardy saýyqtyrý, olardyń qaýipsizdigi men tamaqtaný sapasyna qatysty bolady.
Sondaı-aq Úkimet otyrysynda Densaýlyq saqtaý mınıstri Aqmaral Álnazarova dıagnostıka men emdeýdiń ozyq tehnologııalaryn engizý sheteldik klınıkalarǵa jiberiletin balalar sanyn eki ese azaıtýǵa múmkindik berip otyrǵanyn jáne elimizdegi emhanalardyń 80%-ynda pedıatrııalyq bólimsheler ashylǵanyn aıtty.
