Tujyrymdamany bekitý barysynda Premer-mınıstr balalarǵa jan-jaqty qamqorlyq jasaý – memlekettiń basty basymdyqtarynyń biri ekenine toqtalyp, tıisti mınıstrlikke birqatar tapsyrma berdi.
«Oqý-aǵartý mınıstrligi múddeli memlekettik organdarmen, ákimdiktermen birlesip, Tujyrymdamadaǵy barlyq is-sharalardyń sapaly ári ýaqtyly oryndalýyn qamtamasyz etsin. Buǵan qosa bala quqyqtary jónindegi ýákilmen tıimdi ózara is-qımyldy jolǵa qoıý kerek. Mádenıet jáne aqparat mınıstrligimen birlesip, «Qazaqstan balalary» tujyrymdamasyn iske asyrý boıynsha aqparattyq naýqandy uıymdastyryp, josparlanǵan is-sharalar men olardyń oryndalýy týraly halyqty ashyq ári túsinikti jolmen habardar etip otyrsyn», dedi Oljas Bektenov.
Jalpy úılestirý Premer-mınıstrdiń orynbasary – mádenıet jáne aqparat mınıstri Aıda Balaevaǵa bekitildi.
Eske salaıyq, Oljas Bektenov Úkimet otyrysynda balalar men jasóspirimderdiń durys tamaqtaný máselesin kóterdi.
