Bolashaq kilti – bilimde

Ál-Farabı atyndaǵy QazUÝ-de Premer-Mınıstrdiń orynbasary Berdibek Saparbaevtyń qatysýymen «Nurly Jol. Qazaqstan ýnıversıtetteri álemdik bilim berý keńistigindegi básekege qabilettiligin arttyrý jolynda» atty Almaty qalasy JOO rektorlarynyń aımaqtyq jıyny ótti. B.Saparbaev aldymen ǵylymı-tehnologııalyq parkte, «Keremet» stýdentterge qyzmet kórsetý ortalyǵy men «Ál-Farabı» kitaphanasyn aralap kórdi. Rektorlarmen ótken jıynda bilim berý salasynyń búgingi ózekti máseleleri men mindetteri áńgimege arqaý boldy. «Qazaqstan-2050» Strategııasynda Memleket basshysy atap kórsetken – álemniń damyǵan 30 eliniń qataryna kirý mindetin júzege asyrý úshin Otanymyzdyń joǵary bilim berý júıesi aldyna adam kapıtalynyń deńgeıin kóterý, zaman suranysyna saı sapaly mamandar legin daıarlaý máselesi qoıylyp otyr. Memleket pen qoǵamnyń tabysty damýyna kepil bolatyn, bolashaqqa baǵyttalǵan bul maqsattar Elbasymyzdyń   «Nurly Jol – bolashaqqa bastar jol» Joldaýyna negiz etip alynǵan. Osy kókeıkesti  másele Almaty JOO-larynyń rektorlary qatysqan kezdesýdiń negizgi ózegine aınaldy. B. Saparbaev kadr daıarlaý sapasyn arttyrýǵa basa nazar aýdardy. О́skeleń urpaqqa álemdik deńgeıde bilim berý, oqytý mazmunyna jańasha kózaras tanytý qajettigin atap dýaldyq bilim berýge de nazar aýdardy. Ol, sonymen birge, ál-Farabı atyndaǵy Qazaq ulttyq ýnıversıtetiniń qyzmetine joǵary baǵa bere otyryp, oqý ornyndaǵy ózgeristerdi ózge ýnıversıtetterge úlgi retinde tilge tıek etti. Oqytý baǵdarlamalary eldiń údemeli ındýstrııalyq-ınno­vasııalyq damýy talaptaryna jaýap berý kerektigin atap ótken Premer-Mınıstrdiń orynbasary bul oraıda ulttyq ýnıversıtetterge júkteler jaýapkershilik júgi zor ekendigine toqtaldy. Ekonomıkanyń alǵa basýy úshin ınnovasııalyq qyzmetti únemi qoldap, qýattaý, yntalandyrý qajet, dep bul saıasat eldiń serpindi damýyn qamtamasyz etetin ozyq tehnologııalardy, sonyń ishinde bilim men ǵylymdy basqarýdyń jańa ádis-tásilderin ómirge jedel engizýdi talap etedi, dedi. Sondaı-aq, ınnovasııalyq-ındýstrııalyq damý strategııasy negizinde eńbek resýrstaryn tıimdi ornalastyrýdy kózdeıtin «Serpin» baǵdarlamasyn júıeli júzege asyrýdy tapsyrǵan. Qazaqstan ýnıversıtetteriniń álemdik bilim berý keńisti­ginde básekege qabilettiligin art­tyrýdyń túıindi tustary tal­qy­lanǵan alqaly otyrysta  el ǵy­lymy men biliminiń qara shańy­raǵy – ál-Farabı atyndaǵy Qa­zaq ulttyq ýnıversıtetiniń rektory, akademık Ǵalymqaıyr Mutanov oqý ordasynyń aldynda turǵan mindettermen, jastarǵa sapaly bilim, sanaly tárbıe berý maqsatynda atqarylyp jatqan san salaly jumystarmen tanystyryp ótti. Tokıo ýnıversıtetimen birigip Qazaqstan tarıhyndaǵy tuńǵysh joba – otandyq nanos­pýt­nıkti ázirleý jumystary júrip jatqanyn, stýdentterdiń 70 paıyzǵa jýyǵy ǵylymı ju­mys­tarǵa tartylǵanyn, osyndaı jetistikter negizinde oqý ordasy álemdegi eń úzdik 300 ýnıversıtet sapynan oryn alyp otyrǵanyn jetkizdi. Jıynda Almaty memlekettik jańa tehnologııalar kolledjiniń dırektory Davıd Ezaý oqý ornyn­daǵy dýaldyq bilim berý máselelerine toqtaldy. Jıyn barysynda ilgeri damýǵa kedergi bolyp otyrǵan kemshilikter de atap kórsetilip, olqylyqtardyń ornyn toltyrý joldary oı eleginen ótkizildi. Bolashaqtyń kilti bilimde ekeni nazarǵa salyndy. Baqyt ÁSEMBAEVA, Qaırat JAŃABAEV, Qaz MUÝ-diń jýrnalıstıka fakýltetiniń oqytýshylary