foto: istockphoto.com
Keshendi shara nátıjesinde elimizdiń iri áýejaılarynda avıasııalyq kerosındi jetkizý men ótkizý júıesi ońtaılanyp, halyqaralyq marshrýttar jelisin keńeıtýge múmkindik týyndady.
Bıyl ulttyq kompanııa «QazMunaıGaz – Aero» Almaty men Astana áýejaılarynda «qanatqa quıý» tásili boıynsha áýe kompanııalaryn deldalsyz tikeleı janarmaımen qamtý isin bastady. Bul sheshim Kólik jáne Energetıka mınıstrlikteriniń birlesken jumysynyń nátıjesinde qabyldanyp, áýe tasymaldaýshylaryna ınfraqurylymǵa tikeleı shyǵýdy qamtamasyz etti.
Qabyldanǵan shara baǵanyń turaqtanýyna yqpal etip, búginde elimizdegi áýejaılarda áýe kerosınin ótkizý quny tonnasyna 1 000 dollardan aspaı otyr. Jańartylǵan tarıfpen Turkish Airlines, Fly Dubai, Air Cairo, Somon Air, AJet, Pegasus Airlines, Red Sea Airlines, One Air, Hungary Airlines pen Fly Meta syndy sheteldik tasymaldaýshylar qamtamasyz etildi. Kompanııa aldaǵy kezeńde tikeleı quıý kólemin ulǵaıtyp, naryqtaǵy baǵanyń kezeń-kezeńimen odan ári tómendeýin josparlap otyr. Aıtalyq, otandyq áýe kompanııalary qyzmet kórsetetin kórshi elderde kerosın quny tonnasyna 1200-1300 dollar deńgeıinde.
Budan bólek, «ashyq aspan» rejıminiń keńeıtilýi de óz nátıjesin berip otyr. Búginde elimizdiń 17 áýejaıynda paıdalanylyp otyrǵan bul irejım sheteldik áýe kompanııalaryna besinshi dárejege deıingi áýe erkindigin ıelenýge múmkindik beredi. Mundaı talap óńirlik avıasııa naryǵyndaǵy básekeni arttyryp, elimizdiń tranzıttik áleýetin kúsheıtýge jol ashady.
Azamattyq avıasııany sapaly ári turaqty otynmen qamtamasyz etý isinde memlekettik organdar da mańyzdy qadam jasady. Úkimet basshysy Oljas Bektenovtiń ótken jylǵy 13 qarashadaǵy tapsyrmasyna sáıkes ımporttyq avıaotynǵa qatysty normatıvtik-quqyqtyq baza jańartyldy. Sonyń aıasynda jýyrda Kólik mınıstriniń jańa buıryǵy qabyldanyp, bıylǵy 22 qańtarda Ádilet mınıstrliginde memlekettik tirkeýden ótti. Qujat 6 aqpannan bastap kúshine enedi.
Jańa ózgerister ımporttalatyn avıaotynnyń markalary men standarttary tizbesin keńeıtýdi kózdeıdi. Nátıjesinde elimizde halyqaralyq talaptarǵa saı Jet A-1 standarty boıynsha kerosın paıdalaný múmkindigi paıda boldy. Bul balamaly jetkizý baǵyttaryn ashyp, naryqtaǵy táýekeldi tómendetedi. Qazirdiń ózinde alǵashqy 500 tonna avıaotyn jetkizilse, aqpan aıynda taǵy 1 000 tonna kelýi josparlanyp otyr.
Jalpy, qabyldanǵan sharalar avıaotyn naryǵynda retteýdiń ıkemdiligin arttyryp, básekeli ortany kúsheıtýge, energııa kózderiniń qoljetimdiligin keńeıtýge baǵyttalǵan. Infraqurylymnyń jańǵyrýy, baǵa saıasatynyń turaqtanýy men standarttardyń zamanaýı talaptarǵa saı jetildirilýi elimizdiń óńirlik avıasııalyq habqa aınalý mindetine qyzmet etedi.
Qazaqstan men AQSh arasyndaǵy avıasııalyq yntymaqtastyq seriktestiktiń jańa deńgeıine kóterildi
