Foto: gov.kz
«Oqıǵa boıynsha jedel-tergeý toby quryldy, tergeý barysy Bas prokýrordyń jeke baqylaýynda», delingen habarlamada.
Sonymen qatar, oqıǵaǵa deıingi mán-jaılardy obektıvti ári jan-jaqty (komıssııalyq) anyqtaý maqsatynda Qorǵanys mınıstriniń orynbasary, Bas áskerı prokýror jáne IIM Áskerı-tergeý departamentiniń basshysy issaparmen jiberildi.
Osy topqa el aýmaǵyndaǵy tıisti áskerı bólimderde áskerı tártip pen jeke quramnyń qaýipsizdik talaptarynyń saqtalýyna tekserý júrgizý mindeti júkteldi.
Budan bólek, merzimdi áskerı qyzmetshilerdiń ómiri men densaýlyǵyn saqtaý, qyzmet ótkerý qaýipsizdigi máseleleri jýyq arada Bas prokýratýranyń arnaıy alqa otyrysynda qaralatyn bolady.
Aıta keteıik, 2026 jylǵy 23 qańtarda О́skemen garnızonyna qarasty áskerı bólimderdiń birinde merzimdi qyzmettegi sarbaz ózine qol jumsady.
