foto: gov.kz
Tintý kezinde odan suıyqtyǵy bar 17 bótelke, 48 kapsýla, belgisiz 4 tabletka, sondaı-aq, jınalmaly pyshaq, erekshe ıisi bar zat salynǵan paket tabylyp, tárkilendi. Sonymen qatar, oqıǵa ornyn muqııat tekserý kezinde polısııa taǵy 9 bótelke men 24 kapsýlany taýyp aldy.
Tergeý barysynda anyqtalǵanyndaı, kúdikti 2025 jyldyń jazynda Telegram messendjeri arqyly «jyldam tabys» tabý týraly usynysty qabyldap, zańsyz áreketke tartylǵan. Ol «kýratormen» tek qashyqtan baılanys ornatyp, sonyń nusqaýymen tyıym salynǵan zattardy belgilengen jerler boıynsha alyp, keıin olardy «jasyryn salý» ádisimen taratyp otyrǵan. Árbir jasalǵan qylmystyq tapsyrmany sýretke túsirip, esep retinde jibergeni úshin aqshalaı syıaqy alyp kelgen.
Aıta keteıik, buǵan deıin Qosshyda esirtki jarnamasymen aınalysqan jastar áshkere bolǵanyn habarlaǵan edik.
