Degenmen 2024 jylǵy sý tasqyny halyqtyń birligin kúsheıtken kezeń boldy. Memlekettik mekemeler men qarapaıym halyq qoıan-qoltyq qımyldap, Jaıyq ózeni boıyndaǵy 84 aýyldy, Oral qalasyn tilsiz jaýdan qorǵap qaldy. Zardap shekken turǵyndarǵa Prezıdent tapsyrmasyna sáıkes materıaldyq kómek ýaqtyly kórsetilip, baspanamen qamtamasyz etildi. 13 myń otbasy 4,8 mlrd teńge kóleminde birjolǵy tólem alsa, 10 myń otbasyna 4,1 mlrd teńge materıaldyq ótemaqy tólendi. 1374 úı men saıajaıdy jóndeýge 4,3 mlrd teńge qarajat jumsaldy. 3 myńǵa jýyq páter satyp alynyp, 900-den astam jańa turǵyn úı paıdalanýǵa berildi.
Oblys aýmaǵynda keıingi eki jylda sý tasqynyna qarsy jumys qarqyndy júrgizildi. О́ńir basshysy Narıman Tóreǵalıev 2024–2025 jyldary baǵdarlamalyq qujattar aıasynda sý tasqynyna qarsy jumystarǵa 7,5 mlrd teńge jumsalǵanyn aıtady. Sonyń ishinde jalpy uzyndyǵy 155 km bolatyn 90 qorǵanys bógeti ornatylyp, 10 km kanal qazylǵan. 94 shaqyrym aryq júıesi, Chırovo, Jańa ómir, Kemer, Uzynkól, Aqjaıyq, Muratsaı sýqoımalary jóndeýden ótken. Jeti ózenniń arnasy keńeıtilip, Oral qalasynda Jaıyq ózeniniń 700 metrlik jaǵalaýy nyǵaıtylǵan. Avtojoldarǵa 58 sý ótkizý qubyry ornatylyp, oblys aýmaǵynda 238 shaqyrymdyq magıstraldy kanaldar tazartylǵan. Tasqala aýdanynda Derkól ózeniniń 5,3 km arnasyn tereńdetip, tazartý jumysy bastalyp ketti. Buǵan 622 mln teńge qarastyrylǵan.
El kóleminde beleń alǵan sıfrlandyrý úrdisi endi tilsiz jaýmen kúresýge de kómektesedi. «Qazaqstan Ǵarysh Sapary» AQ-nyń kómegimen tasqyn qaýpin aldyn ala boljaıtyn «Tasqyn» aqparattyq júıesi jasaldy. Qorǵanys bógetteri sıfrlandyrylyp, 64 gıdroqurylystyń parametrleri turaqty baqylaýǵa alyndy. Monıtorıngti jaqsartý maqsatynda jańadan 10 gıdrobeket ashylǵan. Onyń ishinde Jaıyq, Shaǵan, Derkól ózenderinde avtomattandyrylǵan 3 beket tur. Bıyl óńirde taǵy da 2 jańa gıdrobeket qurylysy bastalady.
Prezıdent 2024 jyly kóktemde keı tusy ótkel bermeı ketetin Qaldyǵaıty, Jaqsybaı, Shyńǵyrlaý ózenderinde turaqty kólik qatynasyn qamtamasyz etý jóninde tapsyrma bergen bolatyn. Qazir Qaratóbe men Shyńǵyrlaý aýdandarynda salynatyn úsh kópirdiń jobasy ázirlendi. Kópirlerdiń jalpy quny – 7,5 mlrd teńge. Qurylys-montaj jumysyn júrgizýge respýblıkalyq bıýdjetten qarjy bólinedi.
Tasqynnyń bir sebebi – ózen muzynyń der kezinde sógilmeı, tasyǵan sýdy bógeýi. Byltyr óńirde 23 myń sharshy metr aýmaqta muz jarý jumysy júrdi. Bıyl da osy maqsatqa qazynadan 230 mln teńge bólingen. Qaýipti tustar anyqtalǵan.
Eldi mekenderde qar shyǵarý jumysy qarqyndy júrip jatyr. Buǵan jergilikti bıýdjetten 6,1 mlrd teńge jumsalmaq. Bul byltyr bólingen qarjydan ájeptáýir artyq. Qazirdiń ózinde 203 myń sharshy metr shyǵaryldy.
Oblys aýmaǵyndaǵy negizgi sý arterııasy – Jaıyq ózeni bastaýyn shekaranyń arǵy jaǵynan alatyn bolǵandyqtan, Reseı Federasııasyndaǵy jaǵdaıdy da jergilikti tótenshelikter baqylap otyr. Sonyń ishinde Irekli sýqoımasyndaǵy jaǵdaı basty nazarda. «Reseılik áriptesterimen aradaǵy máselelerdi talqylaý úshin bıyl da aqpan aıynda Reseıdiń Orynbor oblysyna issapar josparlap otyrmyz», deıdi óńir basshysy.
Memlekettik tapsyrys boıynsha jańadan ashylǵan «Batys Irrıgasııa» mekemesine 1,1 mlrd teńgege 31 arnaıy tehnıka satyp alynǵan. Budan bólek, tikeleı sý sharýashylyǵy qyzmetine jaýapty «Qazsýshar» mekemesi de 1,7 mlrd teńgege 51 jańa tehnıka aldy. О́ńirde jalpy sý tasqyny saldaryn joıýǵa 4 573 adam, 2 040 tehnıka, 194 júzý quraly, 487 sý sorý tehnıkasy daıyn tur. 7 myń tonnadan asa ınertti materıal, 336 myń dana qap, 423 tonna qum ázirlengen.
Batys Qazaqstan oblysy
