Fransııa basshysynyń sózinshe, ol zań avtorlarynan jasóspirimderdi áleýmettik jeliden shekteý týraly qujatty tezirek usynýdy suraǵan.
«Bizdiń balalarymyz ben jasóspirimderimizdiń sanasy satylmaıdy. Olardyń sezimderi de satylmaıdy, olar amerıkalyq, qytaılyq platformalardyń manıpýlıasııa nysanasy bolmaýy qajet», dedi Makron.
15 jasqa tolmaǵan balalardyń áleýmettik jelilerge kirýin shekteýmen qatar, zań jobasy Fransııanyń barlyq lıseılerinde smartfondardy paıdalanýǵa tyıym salady.
Osyǵan deıin 2023 jyly Fransııa úkimeti kámeletke tolmaǵandardyń áleýmettik jelilerge kirýin shekteıtin, sondaı-aq akkaýnt ashý úshin ata-anasynyń kelisimin talap etetin zań qabyldaǵan. Alaıda bul zań Eýropalyq Odaqtyń Sıfrlyq qyzmetter týraly zańyna (DSA) qaıshy kelgendikten, sol kúıi kúshine engen joq.
Eske salaıyq, byltyr Aýstralııa 16 jasqa tolmaǵan balalarǵa áleýmettik jelilerdi paıdalanýǵa tyıym salǵan edi. TikTok, YouTube, Instagram jáne Facebook sııaqty on platformany jasóspirimder el aýmaǵynda paıdalana almaıdy.
