Aýyl sharýashylyǵy vıse-mınıstri Azat Sultanovtyń habarlaýynsha, bıyl óńirler áleýmettik mańyzy bar kókónisterdiń, eń aldymen, kartop pen sábizdiń egis alqaptaryn ulǵaıtýy qajet. Onyń aıtýynsha, ótken jyly kartop egisin arttyrý boıynsha maqsatty jumys júrgizilip, uıymdasqan sharýashylyqtardaǵy egis kólemi 12,5 myń gektarǵa ulǵaıǵan.
«О́nim kólemi naryqtaǵy baǵa turaqtylyǵyna tikeleı áser etedi. Osyǵan baılanysty óńirler túpkilikti egis qurylymyn bekitý kezinde sábiz egisin ulǵaıtý mindetin eskerýi qajet», dep atap ótti vıse-mınıstr.
Sondaı-aq boljamdy egis qurylymynda qaraqumyq egis alqaptaryn kezeń-kezeńimen ulǵaıtý kózdelgen. Bıyl onyń egisin 10 myń gektarǵa – 101 myń gektarǵa deıin keńeıtý josparlanyp otyr (ótken jyly – 91 myń gektar). О́ńirlerge belgilengen ındıkatorlarǵa qol jetkizýdi qamtamasyz etý tapsyryldy.
Júgeri egisin keńeıtýge de erekshe nazar aýdaryldy. Alańdardyń aıtarlyqtaı ulǵaıýy Jambyl oblysynda júgerini tereń óńdeý boıynsha Fufeng Group kompanııasynyń jańa tik ıntegrasııalanǵan ónerkásiptik parkin, sondaı-aq Túrkistan oblysyndaǵy «Qazkrahmal» JShS-nyń krahmaldy sirne óndirý zaýytyn shıkizatpen qamtamasyz etý úshin qajet.
Jańa óndiristerdiń qajettiligin tek ońtústik óńirler esebinen qamtamasyz etý múmkin emestigi aıtyldy. Osyǵan baılanysty soltústiktegi astyq egetin úsh óńirde júgeri egis alqaptaryn árqaısysynda orta eseppen 15 myń gektarǵa ulǵaıtý mindeti qoıyldy.
Aýyl sharýashylyǵy mınıstrligi óz tarapynan Ulttyq agrarlyq ǵylymı-bilim berý ortalyǵymen, Memlekettik sort synaý komıssııasymen birlesip, óńirlerge ádistemelik ári tehnologııalyq qoldaý kórsetýge daıyn ekenin bildirdi. Bul soltústik óńirlerdiń jaǵdaıyna beıimdelgen ósirý tehnologııalaryn engizý men sáıkes sorttardy irikteý bóliginde júzege asyrylady.
Qosymsha Aýyl sharýashylyǵy mınıstrligi júgeri ósirýde praktıkalyq kómek kórsetýge daıyn ekenin bildirgen qytaılyq kompanııamen kezdesý ótkizdi. Qytaı tarapy óz eliniń topyraq-klımattyq jaǵdaılary uqsas soltústik óńirlerinde júgeri ósirý tájirıbesin bólisýge, sondaı-aq osyndaı jaǵdaılarǵa beıimdelgen tehnologııalar men sorttardy usynýǵa daıyn. Osyǵan baılanysty óńirlerge halyqaralyq tájirıbeni eskere otyryp, júgeri egisin keńeıtý baǵytyndaǵy jumysty jandandyrý usynyldy.
Sondaı-aq óńirlerde mıneraldy tyńaıtqyshtardy jóneltý bastalǵany aıtyldy. Aýyl sharýashylyǵy mınıstrligi «Qazfosfat» JShS-men bıyl ammofostyń qosylǵan qun salyǵyn eseptemegendegi tonnasyna 254 myń teńge deńgeıinde (ótken jylmen salystyrǵanda 15%-ǵa joǵary) bekitilgen baǵa belgileý týraly memorandýmǵa qol qoıdy. Qazir aýyl sharýashylyǵy taýar óndirýshilerimen sharttar jasasý men jetkizý kestelerin kelisý jumystary júrgizilip jatyr.
Byltyr kóktemgi egis pen jınaý jumystaryn júrgizýge 7 myńnan astam aýyl sharýashylyǵy óndirýshisine jalpy somasy 501,5 mlrd teńge kóleminde kredıt berilip, 7 mln gektardan astam egis alqaby qamtyldy. Qazir Agrarlyq kredıt korporasııasy arqyly egis naýqanyna 126 fermerge 17 mlrd teńge kóleminde qarjylandyrý maquldandy, taǵy 235 óndirýshiniń 76 mlrd teńgege ótinimderi qaralyp jatyr.
