Sý tasqynyna daıyndyq kúsheıtildi

Astana qalasynda TJD basty­ǵy­nyń orynbasary О́mirjan Tuqyshev ákimdik ókilderimen birge sý tasqyny qaýpi bar aı­maqtardy aralap, tekserý ju­mystaryn júrgizdi. Maqsat – sý tas­qyny jaǵdaıyn baǵalaý, qar jamylǵysynyń jaı-kúıin jáne onyń erý barysyn baqylaý, erigen sýdyń jınalýy múmkin oryn­dar men qaýipti ýchaskelerdi anyq­taý. Qazirgi ýaqytta elordadaǵy jaǵdaı tolyq baqylaýda, barlyq qyzmet kúsheıtilgen rejimde jumys istep jatyr.

Aqmola oblysynda TJM Tótenshe jaǵdaılardy joıý departamenti basqarmasynyń basshysy Magomet Ahrıev te sý tasqynyna qarsy is-sharalardyń oryndalý barysymen tanysty. Jumys sapary barysynda jaǵa­laý­lardy bekitý, ózen arnalaryn tereńdetý, bógetterdi qaıta jańartý, qorǵanysh bilek­terin salý jáne sý burý arna­laryn tazalaý jumystary júr­­gizilip jatqan qaýipti ýchas­keler tekserildi. Sony­men qatar ınjenerlik jáne sý sorý tehnıkasynyń daıyndyǵyn kórdi. Tekserý qorytyndysynda sý tasqy­nyna qarsy sharalardy kúsheıtý jáne qyzmetterdiń ózara is-qımylyn úılestirý jóninde usynystar berildi.

Aqtóbe oblysynda TJD men «Qazgıdromet» RMK fılıaly birlesip Elek, Qarǵaly, Embi, Temir, Oıyl, Úlken Qobda ózenderiniń joǵarǵy aǵy­synda marshrýttyq zertteýler júr­gizdi. Tekserý barysynda qar jamylǵy­synyń qalyńdyǵy men tyǵyzdyǵy ólshenip, ózen arnalarynyń jaı-kúıi, muzdyń túzilýi jáne sý ótkizý qabileti baǵalandy. Alynǵan derekter sý tasqyny jaǵdaıyna qatysty boljamdy naqtylaýǵa jáne qaýip aımaqtaryn aldyn ala anyqtaýǵa múmkindik beredi.

Qaraǵandy oblysynda sý tasqynyna daıyndyq erekshe baqylaýda. TJM Tótenshe jaǵdaılardyń aldyn alý ko­mıteti tóraǵasynyń orynbasary Áset Jylqaıdarov óńirdegi sý tasqyny qaýpi bar eldi meken­derdi aralady. Tekserý barysynda qorǵanysh bilekteriniń, sý burý arnalarynyń jáne gıdrotehnıkalyq qurylystardyń jaı-kúıin baǵalap, anyqtalǵan máseleler boıynsha jedel she­shim­der qabyldanyp jatyr.

Qostanaı oblysynda kóktem­gi sý tasqynyna daıyndyq jumys­tary júıeli túrde júrgizilip jatyr. Bul jumystar sý tasqy­­ny qaýpi bar aýmaq­tar­dy tek­­serý, qorǵanysh bilikteri men bó­gen­­derdiń, sý burý arnalary men gıdrotehnıkalyq qury­lys­tardyń jaı-kúıin baǵalaý, sondaı-aq ózen arnalaryn tazalaý jáne tereń­detý jumystaryn qamtıdy. TJM Azamattyq qor­ǵanys jáne áskerı bólimder komı­teti tóraǵasynyń orynbasary Alekseı Sovetov jergilikti at­qarýshy organdarmen birlesip, bir­qatar aýdan men eldi me­ken­degi qaýip deńgeıin baǵalady.

Tekserý barysynda tur­ǵyn úıler­di, avtomobıl jol­daryn jáne ınje­nerlik ınfra­qurylymdy qorǵaý máselesi­ne erekshe nazar aýdaryldy. Nátıjesinde, sý tasqynyna qarsy shara­lardy kúsheıtý, qor­ǵanysh qury­lystarynyń jaramdy jaı-kúıin qamtamasyz etý jáne kóktemgi sý tasý kezeńinde jedel áreket etýge qyzmet­terdiń daıyndyǵyn arttyrý boıynsha usynym berildi.

Túrkistan oblysynda TJD bastyǵy Baǵdat Shaızada sý­qoı­­malary men gıdro­tehnı­kalyq nysandardyń jaǵ­daıyn tekserdi. Salalyq mamandardyń qatysýymen monıtorıng júrgi­zilip, sý deńgeıi, qorǵanysh bógen­deriniń berik­tigi jáne sý ót­kizý qu­ryl­ǵylarynyń jumys­qa jaram­­dylyǵy zerdelendi. Sý tas­qyny kezeńiniń qaýipsiz ótýin qam­ta­masyz etýge jáne gıdroteh­nıka­lyq nysandardy turaqty baqy­laýda ustaýǵa erekshe mán berildi.

Jalpy alǵanda, respýblıkada kók­tem­gi sý tasqynynyń aldyn alýǵa baǵyt­talǵan keshendi is-sharalar jos­par­ly túrde júrgizilip, jaǵdaıdyń ýshy­ǵýyna jol bermeý úshin barlyq qajet­ti resýrs jumyldyrylǵan. Ári jaýap­tylardyń qatań baqylaýynda.