Foto: Oqý-aǵartý mınıstrligi
Prezıdent Almaty qalasyndaǵy №95 mektep-lıseıi hımııa pániniń muǵalimi Tatıana Beloýsovany Global Teacher Prize halyqaralyq baıqaýynyń qorytyndysy boıynsha álemdegi eń úzdik 50 pedagogtiń qataryna enýine oraı quttyqtady.
«Bul joǵary baǵa – Sizdiń óskeleń urpaqqa taǵylymdy tárbıe men ozyq bilim berý isine sińirgen uzaq jylǵy eńbegińizdiń jemisi. Bizdiń maqsatymyz – zııatker ultqa aınalý. Sondyqtan memleket árdaıym muǵalimderdiń mártebesin kóterip, olardy jan-jaqty qoldaıdy», dedi Qasym-Jomart Toqaev.
Aıta keteıik, Tatıana Beloýsova – pedagog-sheber, «Qazaqstannyń úzdik ustazy – 2024» qurmetti ataǵynyń ıegeri. Onyń kandıdatýrasy saýalnama men qosymsha materıaldardy tapsyrýdan bastap, saraptamalyq baǵalaý jáne fınaldyq irikteýge deıingi kópsatyly kezeńnen ótti.
