Foto: TShO
Mınıstrdiń aıtýynsha, qazirgi tańda Korolevskoe jáne Teńiz ken oryndaryndaǵy jumystar ishinara qalpyna keltirilgen, al iske qosý nysannyń tehnologııalyq erekshelikterin eskere otyryp, kezeń-kezeńimen júrgizilip jatyr.
«Teńizdi eki kún buryn iske qostyq, Korolevskoe ken orny da jumysyn bastady. Qazir óndirý kólemi birtindep artyp keledi. Munyń kúrdeli tehnologııalyq prosess ekenin túsiný kerek», dedi ol.
Aqkenjenovtiń aıtýynsha, ken ornynda ártúrli qýattaǵy shamamen 30 transformator jumys isteıdi, olardyń basym bóligi 110 kılovolttyq. Oqıǵa saldarynan úsh transformator zaqymdanǵan.
«Úsheýi janyp ketti – bul krıtıkalyq mańyzy bar jabdyqtar. Biz olardyń bir bóligin qalpyna keltirdik, qazir ken ornyn kezeń-kezeńimen iske qosyp jatyrmyz. Alǵashqy gaz berildi. Bir apta ishinde Teńiz ken orny tolyq jumysyn bastaıdy», dep atap ótti mınıstr.
Onyń sózinshe, qalpyna keltirý jumystary baqylaýda, al munaı óndirý birtindep, qalypty rejımde arttyrylady.
Munaı óndirisi toqtap tur: Energetıka mınıstrligi Teńiz ken ornynda tekserý júrgizip jatyr
Eske sala keteıik, 18 qańtar kúni tańerteń Atyraý oblysynyń Jylyoı aýdanynda ornalasqan Teńiz ken ornyndaǵy úshinshi býyn zaýytynda órt shyqqan edi.
