Prezıdenttiń aıtýynsha jańa salyq saıasaty kúshine engeli beri naqty aınalymdy jasyrý úshin qolma-qol tólem kóleminiń artqany týraly málimetter kelip túse bastaǵan.
Toqaev: Bıznestiń damýyn tejeıtin kedergilerdi joıý kerek
«Bólshek saýdamen aınalysatyn saýdagerler taýardyń aqysyn qolma-qol aqshamen nemese aýdarym arqyly tólegenine qaraı salyq somasyn shegerip, eki túrli baǵa aıta bastady. Buǵan, árıne, kóz juma qaraýǵa bolmaıdy. О́ıtkeni mundaı áreketter memlekettiń salyqty ákimshilendirý tetikterin jetildirý baǵytyndaǵy eńbegin zaıa ketiredi. Kiristi jylystatý jáne kapıtaldy astyrtyn krıptoperasııalar arqyly zańsyz shyǵarý problemaǵa aınaldy. Búginge deıin 62 mıllıard teńgeden astam qarjy aınalymy bar 130 zańsyz krıptoalmasý qyzmeti joıyldy. Osy isterdiń aıasynda 2,6 mıllıard teńgeniń múlkine tyıym salyndy. Budan bólek, áleýmettik jelilerde aqshany krıptoǵa aıyrbastaý jarnamasy tyıylmaı tur. Demek, másele túbegeıli sheshimin tappaǵan», dedi Prezıdent.
Memleket basshysy Qarjylyq monıtorıng agenttiginde jıyn ótkizdi
Halyqaralyq uıymdardyń baǵalaýynsha, Qazaqstan − syrtqa shyǵarylǵan kapıtaldyń kólemi jaǵynan «kósh bastap turǵan memleketterdiń» biri. Al osyndaı qylmys úshin sottalǵandar joqqa tán.
«Kapıtaldyń zańsyz syrtqa ketýi ekonomıkalyq qaýipsizdigimizge tikeleı qater tóndiredi. Agenttik atalǵan máseleler boıynsha naqty usynys engizsin», dedi Qasym-Jomart Toqaev.
Prezıdent sondaı-aq áleýmettik salaǵa bólingen trıllıondaǵan teńge qarjyny jymqyratyn alaıaqtardyń azaımaı turǵanyn atap ótti.
