Qazaq qyzy shańǵy akrobatıkasynan álemdik dodada olja saldy

ASTANA. 25 naýryz. Frıstaıldan jasóspirimder arasyndaǵy álem chempıonatynda qazaq qyzy Janbota Aldabergenova shańǵy akrobatıkasy boıynsha synǵa túsip, kúmis júldeni qorjynǵa saldy. Bul týraly egemen.kz habarlady. Jarys Italııanyń Keza-ın-Valmalenko qalasynda ótýde. Barlyq jattyǵýyn sátti oryndaǵan Janbotany tóreshiler 163,11 upaımen baǵalady. Bizdiń qyz álem chempıony atanǵan Aleksandra Romanovskaıadan (Belarýs) eki-aq upaıǵa qalyp qoıdy. Belorýs qyzynyń kórsetkishi 165,19 upaı. Bul synda úzdik úshtikti AQSh sportshysy Elle Gaýdett túıindedi (146,59 upaı). Janbota Aldabergenova shańǵy akrobatıkasy boıynsha el namysyn abyroımen qorǵap júrgen sportshy. 2014 jyly Sochı olımpıadasynda 6-orynǵa taban tiredi. Bul kórsetkish ázirge qazaq qyzdary úshin aq Olımpıadadaǵy eń joǵary meje. Odan bólek, ótken jyly Eýropa kýbogynyń kezeńinde jeńimpaz atandy. Al sol saıystyń jalpy esebinde 350 upaımen kúmis júldeni qanjyǵasyna baılaǵany esimizde. Elaman Qońyr. Derek: egemen.kz. Sýret: vesti.kz.