Joba Dımash Qudaıbergenniń bastamasymen qolǵa alynyp, Hunan Broadcasting System medıaholdıngimen birge júzege asyryldy. Voice Beyond Horizon ártúrli elderdiń ónerpazdaryn biriktirýmen qatar Qazaqstannyń tabıǵı áralýandyǵyn jáne týrıstik áleýetin mıllıondaǵan kórermenge tanystyrady. Túsirilimder Túrkistan, Mańǵystaý, Almaty, Aqmola oblystarynda jáne Astana, Almaty qalalarynda ótti.
Dımash Qudaıbergen jańa beınebaıanynda Qazaqstannyń sulýlyǵyn pash etti
Jobaǵa Qazaqstannyń, Qytaıdyń, Qyrǵyzstannyń, Italııanyń, Malaızııanyń, Serbııanyń oryndaýshylary qatysady. О́tken jyldyń qyrkúıek aıynda olar Qazaqstan óńirlerin aralap, 7 myń shaqyrymnan astam jol júrip ótti. Joba baǵyty kóne Túrkistandy, Bozjyranyń erekshe kórinisterin jáne Kaspıı teńizi jaǵalaýyn, tabıǵı injý-marjanǵa aınalǵan Qaıyńdy men Kóbeıtuz kólderin, týrıstik Saty aýylyn, Qapshaǵaı sý qoımasyn, Shýchınsk-Býrabaı kýrorttyq aımaǵyn qamtydy.
Dımash Qudaıbergen Qazaqstannyń kórikti jerlerinde beınebaıan túsirip jatyr
«Voice Beyond Horizon» jobasynyń resmı kórsetilimi Qytaıda aýdıtorııasy 1,9 mıllıardtan asatyn Hunan TV telearnasy men Mango TV sıfrlyq platformasynda, Qazaqstanda «Qazaqstan» ulttyq arnasynda ótedi.
Jobaǵa «Kazakh Tourism» ulttyq kompanııasy, Týrızm jáne sport, Mádenıet jáne aqparat mınıstrlikteri, Astana, Almaty qalalarynyń jáne Almaty, Aqmola, Túrkistan, Mańǵystaý oblystarynyń ákimdikteri uıymdastyrýshylyq qoldaý kórsetip, demeýshiler retinde «Qarmet», «Qazaqmys», «Altyn Almas» kompanııalary men Nurlan Smaǵulov qory da atsalysty.
«Voice Beyond Horizon»: Dımash Qudaıbergen prodıýserlik etken jobasyn tanystyrdy
