Onyń aıtýynsha, Konstıtýsııanyń preambýlasyn jańa redaksııada tolyq ózgertý usynylyp otyr, ol jańa ulttyq qundylyqtardy jáne qazirgi zamannyń talaptaryn eskere otyryp daıyndalǵan.
Marat Bashımov: Jeke derekterdi qorǵaý Konstıtýsııada bekitilýi tıis
Baqyt Nurmuhanovtyń aıtýynsha, preambýlada Konstıtýsııany qabyldaýdyń negizgi maqsattary, qaǵıdattary, qundylyqtary jáne sebepteri bekitilgen. Sondaı-aq, qoǵamdyq baǵdardy anyqtaıtyn memlekettiń mıssııasy, tarıhı kontekst pen mádenı erekshelikter kórinis tabady. Jalpy alǵanda, preambýla qoǵam men memlekettiń damý baǵytyn aıqyndaıdy.
«Jobada memlekettiń mártebesi anyqtalǵan – Qazaqstan Respýblıkasy demokratııalyq, zaıyrly, quqyqtyq jáne áleýmettik memleket, al onyń eń joǵary qundylyqtary – adam, onyń ómiri, quqyqtary men bostandyqtary retinde tanylǵan», dedi Baqyt Nurmuhanov.
Jalpy, ol «Konstıtýsııalyq qurylym negizderi» bóliminde memlekettiń uıymdastyrylýyn, Qazaqstannyń egemendigin, aýmaqtyq tutastyǵyn jáne basqa da mańyzdy qaǵıdattardy bekitetin negizgi erejeler kórsetiletinin atap ótti.
Sonymen qatar, bılikti bólý qaǵıdaty týraly norma jańasha tujyrymdaldy jáne eldiń qoldanystaǵy quqyǵy máselelerine arnalǵan konstıtýsııalyq erejeler naqtylandy.
Konstıtýsııalyq reforma: Ata zańnyń qaı baptary qaıta qaralady?
Baqyt Nurmuhanov qazirgi zamandaǵy máselelerdi eskere otyryp, qoǵamdyq birlestikterdiń qyzmetin jáne olardyń memleketpen ózara is-qımylyn retteıtin konstıtýsııalyq erejelerdiń de naqtylanǵanyn atap ótti.
«Memleket pen dinniń, memlekettik rámizderdiń jáne basqalardyń ózara is-qımylyn retteıtin erejeler jetildirilip jatyr», dedi ol.
