Jergilikti atqarýshy organdar jedel túrde nysanǵa baryp, vızýaldy tekserý júrgizip, jaǵdaıǵa quqyqtyq baǵa bergen. Tekserý nátıjesinde anyqtalǵan olqylyqtar sol kúni merdiger uıymǵa resmı túrde kórsetilip, «Arsh Stroy» JShS kemshilikterdi belgilengen merzimde joıý boıynsha mindetteme alǵan.
«Shatyrdaǵy aqaýlardy joıý jumystary bıylǵy jyldyń 1 aqpanyna deıin tolyq aıaqtalady. Jaǵdaı turaqty baqylaýda tur», dep málimdedi merdiger uıym ókilderi.
Qazirgi ýaqytta nysanda jergilikti atqarýshy organ ókilderi, depýtattar, sondaı-aq «Amanat» partııasynyń tóraǵasy bolyp, jaǵdaıdy baqylaýda ustap otyr. Buzýshylyqtardy joıý barysyn jaýapty memlekettik qurylymdar úılestiredi.
Aıta keteıik, 900 oqýshyǵa arnalyp soǵylǵan №20 orta mektep 2013 jyly paıdalanýǵa berilgen. Alaıda búginde munda eki aýysymda shamamen 1 800 oqýshy bilim alady.
Oqý orny 2024 jylǵy 21 mamyrda kúrdeli jóndeýge jabylyp, 2025 jylǵy 1 qyrkúıekte qaıta jumysyn bastady.
Jóndeý jumystarynyń tapsyrys berýshisi - Ile aýdany ákimdigi, al merdiger – «Arsh Stroy» JShS.
Tekserý barysynda mekteptiń jertóle bólmesinde sýdyń jınalǵany da anyqtalǵan. Qazirgi ýaqytta sýdy sorǵytý jáne bólmelerdi keptirý jumystary júrgizilip jatyr. Ylǵaldyń paıda bolý sebepteri naqtylanyp jatyr.
Sonymen qatar, drenaj jumystary buǵan deıin bastalǵanymen, tolyq aıaqtalmaǵan. Aýa raıy jylynǵannan keıin jumys jalǵasady.
