Oqý oshaqtary qaıta jańartylady

Byl­tyr oqý kabınetteri men sheber­hanalary, sý, káriz, jylytý jelileri túgel jańartylyp, materıaldyq-tehnıkalyq bazasy kúsheıtildi. Kolledj dırektory Gúlden Esenǵalıevanyń aıtýynsha, stýdentter elektrmehanıkalyq jabdyq­tarǵa tehnıkalyq qyz­met kórsetý, dánekerleý isi, ǵıma­rattar qurylysy, turǵyn úı-kom­mýnaldyq sharýa­shylyq nysandarynyń ınje­nerik júıele­rin montajdaý jáne paıdalaný mamandyqtary boıynsha bilim alady.

Oqý ornynda 680 stý­dent oqysa, ola­r­dyń teń jartysy dýaldy oqytý júıesine kó­shirilgen. Túlekteriniń ju­mysqa ornalasý kórsetkishi – 88 %-ǵa teń.

О́ńir basshysy Ashat Shaha­rov kúrdeli jóndeýden ótken qurylys-tehnıkalyq kolled­ji­niń oqý kabınetterin, sheberhanalary men zerthanalaryn aralap, satyp alyn­ǵan qu­ral-jab­dyqtardy qalaı paıdalanyp otyrǵanyn baqy­lap, túlekterdiń kásibı daıar­­lyq deńgeıin surady. Bul jerde 34 jyl úzilissiz eń­bek etip kele jatqan Kúlhan Eshma­nova keıingi jyldary orta jáne kásiptik-tehnıkalyq oqý oryndarynyń mate­rıaldyq-tehnıkalyq bazasyn kúsheıtýde qyrýar is atqarylyp jat­qa­n­y­na rıza­shylyǵyn bil­dir­di. Tá­jirı­beli pedagog stýdent­ter­diń bolashaq maman­dyǵy­nyń qyr-syryn meńgerýine qural-jabdyqtarmen jumys isteı bilý mańyzdy ekenin aıtty. О́ıtkeni túlek óndiriske barar aldynda qu­rylys qospa­larynyń qura­myn, olardy qalaı jasaı bilý syryn sheberhanada úırenip, elektr jáne gazben dáneker­leý jabdyqtarymen jumys isteı bilýi shart. «Shákirt óz ma­man­dyǵynyń negizgi baǵyt­taryn jaqsy meńgerse, jumysqa tóselýi de tez», deıdi tájirıbeli ustaz. Sol úshin kolledjderge óndiristen kelgen sheberlerdi kóptep tartý kerek.

Oblys ortalyǵynda 90 jyl­ǵa jýyq ýaqyt úzdiksiz bilim berip kele jatqan mektepter bar. Solardyń biri – qa­la­nyń eski bóliginde or­na­lasqan I.Esen­berlın atyn­daǵy №15 mek­­tep. 1939 jyly salynǵan ǵıma­ratta búginde 574 bala oqı­dy. Byltyr qaı­ta jańar­tý ju­mys­tary júr­gizilip, ǵı­ma­rat­­tyń qas­beti men shatyry tú­gel­­­deı jańartylyp, edeni men jylý jáne káriz júıe­le­ri tú­gel almastyryldy. Son­­daı-aq oqý kabınetteri, kitap­ha­nasy men sportzaly, ashanasy jańartylyp, zamanaýı jab­dyqtar satyp alyndy. Kir­pishten salynǵan mektep áli de uzaq jylǵa shydas beretin túri bar. Aqtóbe qalasynda 70–80 jyldyń tarıhy bar eski bilim berý uıymdaryn jańartý bıyl da jalǵasady. Oqý jyly aıaqtalysymen qala­daǵy №5, №17, №22,№37 mektepterin kúrdeli jóndeý bastalady. Sondaı-aq bıyl Áıteke bı, Baıǵanın, Temir, Shalqar aýdandarynyń bir­qatar eski mektepteri ǵımarat­taryna da qaıta jańartý jumystary júrgizilmekshi.

Aqtóbe oblysy