Sýret: astanazan.kz
Atalǵan ózgerister memlekettik apparattyń tıimdiligin arttyrýǵa jáne qoǵam senimin nyǵaıtýǵa arnalǵan. Jıyn barysynda memlekettik qyzmettiń gıbrıdti modelin engizý, jeke jáne kvazımemlekettik sektordan kásibı kadr tartý, sondaı-aq «eQyzmet» sıfrlyq irikteý júıesi arqyly ashyqtyq pen merıtokratııany kúsheıtý jónindegi is-sharalar tanystyryldy.
Agenttik tóraǵasy memlekettik qyzmetshi kásibı, jaýapty jáne qoǵam senimine ıe tulǵa bolýǵa tıis ekenin atap ótip, ashyq, ádil jáne adamǵa baǵdarlanǵan memlekettik qyzmettiń jańa úlgisin qalyptastyrýǵa belsendi qatysýǵa shaqyrdy.
Sonymen qatar Agenttik tóraǵasy Darhan Jazyqbaı Senat janyndaǵy «Taldaý mektebiniń» tyńdaýshylarymen kezdesti. Júzdesýde memlekettik apparatty kásibılendirý, sıfrlandyrý, HR-úderisterdi jetildirý, jasandy ıntellekt taqyryptaryn qamtydy.
Is-shara barysynda Agenttiktiń memlekettik basqarýǵa zamanaýı tehnologııalardy engizý baǵytyndaǵy negizgi bastamalary tanystyryldy. Ásirese «eQyzmet» ıntegrasııalanǵan aqparattyq júıesi negizinde ázirlengen memlekettik qyzmetke irikteýdiń tolyq avtomattandyrylǵan jańa modeline erekshe nazar aýdaryldy.
Sondaı-aq qatysýshylarǵa kadrlyq áleýetti basqarýǵa arnalǵan ınteraktıvti analıtıkalyq materıaldar kórsetilip, strategııalyq basqarýshylyq sheshimder qabyldaýda derekterdi taldaýdyń mańyzy atalyp ótti. Memlekettik basqarý salasyna jasandy ıntellekt tehnologııalaryn engizýge baǵyttalǵan «AI zerthanasynyń» tanystyrylymy qatysýshylardyń erekshe qyzyǵýshylyǵyn týdyrdy. Atap aıtqanda, «Smart HR» ıntellektýaldy kadr irikteý platformasynyń múmkindikteri usynyldy.
Budan bólek, Darhan Jazyqbaı «Zań men tártip», «Halyq únine qulaq asatyn memleket» jáne «Adal azamat» qaǵıdattarynyń ornyǵýy Ádiletti Qazaqstandy qalyptastyrýdaǵy negizgi ustanym ekenin aıtyp, qatysýshylardy tolǵandyrǵan suraqtarǵa jaýap berdi.
Kezdesý sońynda «Taldaý mektebi» tyńdaýshylary memlekettik qyzmetti odan ári damytý, sıfrlyq sheshimderdi engizý jáne jasandy ıntellektini praktıkalyq turǵyda qoldaný boıynsha oı-pikirlerin ortaǵa saldy.
