Foto: freepik.com
Aldyn ala málimetke sáıkes, oqıǵa 28 qańtar kúni shamamen saǵat 14:00-de bolǵan. Áleýmettik jelilerde er adamnyń aýrýhana aýmaǵynda dárigerge shabýyl jasap, pyshaq jaraqatyn salǵany týraly aqparat taraǵan. Quzyrly organdar bul oqıǵanyń marqumnyń kásibı qyzmetine tikeleı qatysy joq ekenin málimdedi.
Mańǵystaý oblysynyń polısııa departamenti adam óltirý deregin rastady. Vedomstvonyń habarlaýynsha, kúdikti ustalyp, ýaqytsha ustaý ızolıatoryna qamalǵan. Tergeý derekterine sáıkes, er adamdar arasyndaǵy janjal otbasylyq-turmystyq qatynastar negizinde týyndaǵan. Oqıǵadan keıin kúdikti Jańaózen qalalyq polısııa basqarmasyna ózi kelip, kinásin moıyndaǵan.
Qylmystyq is qozǵaldy. Oqıǵanyń barlyq mán-jaıyn jan-jaqty jáne obektıvti anyqtaýǵa baǵyttalǵan tergeý amaldary júrgizilip jatyr.
Sońǵy bes jylda dárigerlerdi soqqyǵa jyǵýdyń 280 faktisi tirkelgen
Aıta keteıik, qańtar aıynyń basynda Prezıdent Qylmystyq-prosestik kodekske tolyqtyrýlar engizý týraly zańǵa qol qoıdy. Parlament depýtattary ázirlegen bul ózgerister medısına qyzmetkerlerin qyzmettik mindetin atqarý kezinde kúsh qoldanýdan jáne qatygez qarym-qatynastan qorǵaýǵa baǵyttalǵan.
Túzetýlerge sáıkes, Qylmystyq kodekske 380-3-bap engizilip, onda medısına qyzmetkerlerine jáne jedel járdem brıgadalarynyń júrgizýshilerine qatysty kúsh qoldaný nemese kúsh qoldanamyn dep qorqytý úshin qylmystyq jaýapkershilik kózdelgen.
